0Shares

 Manchester City fitoi 6-0 ndaj Chelseat në Ligën Premier, por ndeshja vazhdon të komentohet jo vetëm për rezultatin.

Në fund të ndeshjes Maurizio Sarri nuk ia dha dorën Pep Guardiolas dhe kjo nuk befasoi vetëm teknikun spanjoll, por edhe gjithë tifozët.

Dyshja para ndeshjes u përshëndetën me buzëqeshje dhe të gjithë menduan fillimisht se tekniku italian u soll ashtu pasi ndihej i turpëruar nga rezultati, gjithsesi ai e shpjegoi arsyen pas ndeshjes.

Dyshja para fillimit të ndeshjes (Foto: Laurence Griffiths/Getty Images/Guliver)

“Nuk e kam parë në ato momente, por do ta përshëndes si zakonisht më vonë”.

“Në ato momente doja të shkoja në zhveshtore dhe nuk e pashë. Nuk kam probleme me atë”, ka thënë Sarri në konferencën për media i pyetur për rastin në fjalë.

Gjyqtari Mike Dean bën shaka me Agueron, ia fshehë topin e het-trikut pas ndeshjes kundër Chelseat Gjyqtari Mike Dean bën shaka me Agueron, ia fshehë topin e het-trikut pas ndeshjes kundër Chelseat

Ndërsa i pyetur se a ndihet i frikësuar për një shkarkim të mundshëm, italiani shtoi: “Nuk e di. Duhet të pyesni klubin. Jam i shqetësuar për skuadrën, paraqitjen, puna ime është gjithmonë në rrezik”.

“Goli pas tre minutave e bëri shumë të vështirë të luajmë ndaj këtij kundërshtari i cili luan futboll fantastik”, ka shtuar Sarri. /Telegrafi/

Të Ngjajshme
Shfaq Komentet (0)