Alvaro Morata ishte ai që e mundësoi transferimin e Gonzalo Higuainit te Chelsea, pasi që e ka kërkuar largimin nga klubi, thotë Maurizio Sarri.
Morata do të largohet nga Stamford Bridge me shumë gjasë drejt Atletico Madridit, si huazim për gjashtë muaj më të drejt blerje.
Sarri ka thënë që lojtari ka kërkuar të largohet.
"Morata është një lojtar me potencial shumë të mirë".
"Ai ka karakteristikat për të luajtur në ekipin tim, por një muaj më parë ai më tha se donte të luante për një ekip tjetër”.
"Ishte shumë e vështirë për të që të jepte 100 për qind për shkak të gjendjes së tij mendore. Ai është shumë i përshtatshëm për futbollin tim, por situata ka ndryshuar në muajin e kaluar, kështu që na u desh të ndryshonim”.
"Në tregun e janarit, është shumë e vështirë për të marrë një sulmues shumë të mirë”, ka thënë Sarri. /Telegrafi/
