Sa janë përfitimet e deritanishme në karrierën e Modric

Luka Modric është pjesë e Real Madridit që nga viti 2012, ndërsa me klubin mbretëror ka fituar gjithçka që mund të fitohet.

37-vjeçari ka pesë tituj të Ligës së Kampionëve, pesë Kupa të Botës për Klube, tre tituj të kampionit të Spanjës, trofe të shumtë të Superkupave e Kupave.

Mjeshtri i mesfushës ishte kapiten i Kroacisë kur e udhëhoqi drejt finales së Kampionatit Botëror në vitin 2018, derisa katër vite më vonë (në ‘Katar 2022’) zunë vendin e tretë.

Lexo po ashtu Ancelotti vendos formacionin titullar të Real Madridit për tri ‘finalet’ e mbetura në prill

Ishte futbollisti më i mirë i Botërorit në Rusi dhe në vitin 2018 e fitoi Topin e Artë që i ndahet lojtarit më të mirë në botë.

Modric ka kontratë me Realin deri në 30 qershor të këtij viti dhe akoma nuk dihet nëse do ta pranojë rinovimin apo do ta pranojë ofertën e majme nga Arabia Saudite. Ai vazhdimisht e ka përmendur se ka dëshirë ta mbyllë karrierën në Madrid, por mbetet të shihet se çfarë do të ndodhë pas verës që vjen.

Lexo po ashtu Al Nassr dëshiron ta ribashkojë Ronaldon me dy ish-bashkëlojtarë

Portali Capology, i cili merret me financat në futboll, ka llogaritur se sa ka fituar kroati deri më tani në karrierën e tij futbollistike.

Sipas këtij portali, përfitimet e përgjithshme të Modricit në karrierë deri më tani kanë qenë mbi 136 milionë euro, ndërsa këtë vit do të kalojnë shifrën prej 140 milionë eurosh. Po ashtu, thuhet se mesfushori kreativ përfiton 420.769 euro në javë nga Reali që kap shifrën vjetore prej 21.88 milionë eurosh. /Telegrafi/