Ryan Reynolds me probleme mendore

Ryan Reynolds pranoi në një intervistë për New York Times se gjithmonë kishte probleme me ankthe dhe se tërë jetën po lufton me nervozizmin dhe frikën.

“Unë kam qenë gjithmonë i shqetësuar. Jam vazhdimisht i shqetësuar për diçka dhe kjo nuk është aspak e lehtë”, tha aktori i hollivudit.

Aktori i famshëm pranoi më parë se kishte një avari nervore pas përfundimit të filmit “Deadpool” në vitin 2015.

Met some magical, innovative, badass people last night. Thank you #Time100 for including me on this list. And any night that ends in a huge, snappy dance number is a good night by me.

A post shared by Ryan Reynolds (@vancityreynolds) on Apr 26, 2017 at 3:21pm PDT

Ai gjithashtu tha se bashkëshortja e tij, Blake Lively e ndihmoi të përballonte stresin dhe e pranoi se ishte i vetëdijshëm për pritjet e mëdha që njerëzit kishin për filmin Deadpool 2, i cili do të shfaqet më 12 maj të këtij viti.

“Kur ka shpresa të mëdha, truri i percepton si rrezik”, tha 41-vjeçari.

Ai gjithashtu zbuloi se në luftën kundër ankthit u këshillua që të meditojë dhe të ketë mendime pozitive.

“Tifozët e mi shpesh zhgënjehen kur e njohin këtë version tepër të mërzitshëm të një djaloshi që dukej si heroi i tyre”, shpjegoi Renolds. /Telegrafi/