Një version tashmë ka rrjedh në rrjet, ku shihet fanella e Interit, e cila pritet të vishet si mysafirë për sezonin 2020-21 dhe duket se është e bardhë me shirita të zi dhe të kaltër.

Fanellat kanë rëndësi të madhe tek klube evropiane, pasi përfitohen shifra të konsiderueshme parash.

Kështu, klubet e mëdha synojnë gjithmonë të sjellin modele të bukura të cilat do të shiteshin shumë në treg.

Fanella e Interit për sezonin 2020/2021 Fanella e Interit për sezonin 2020/2021

Njëri nga klubet që gjithmonë kujdeset për bukurinë e fanellave është Interi, i cili tash e disa vite bashkëpunon me kompaninë e njohur Nike.

Tashmë në rrjet janë hedhur disa fotografi ku shihet një fanellë e cila thuhet se do ta mbahet nga Interi si mysafirë në sezonin e ardhshëm.

Sipas fotove në faqes Footyheadlines.com, fanella do të ketë një shtyp gjeografik të përbërë nga katrorë të mëdhenj, të krijuar duke përdorur shirita të hollë të kaltër dhe të zinj.

Vija do të vazhdojnë edhe tek shorcet e bardha, me njërën anë vija e zezë dhe tjetrën e kaltër.

Pjesa e pasme e fanellës ka një zbrazëti në shpinë për emrin e lojtarëve dhe një tjetër për numrin e tyre. /Telegrafi/