Nga kënga, kërcimi dhe biznesi, këngëtarja Rovena Dilo duket se po kërkon t’i shtojë edhe një dimension tjetër jetës së saj artistike, aktrimin.
Vetë këngëtarja ka zbuluar në profilin e saj në Instagram se do të jetë pjesë e kastës së aktorëve në serialin shqiptar “Ti mund të më quash Xhon”.
Rovena ka pozuar në krah të aktorit Gent Kame i cili do të jetë edhe bashkëshorti i saj në serial.
Ky serial po realizohet nga studio e prodhimit “Papadhimitri Production” dhe në të do të luajnë shumë emra të njohur të kinemasë dhe ekranit shqiptar, si Nevina Shtylla (prezantuese e “Next” në Vizion Plus), Arbies Konomi, Eva Murati (prezantuesja e “Miss Universe Albania”), Bonald Perkola, Gent Kame, Ermira Gjata etj.
