Roma ka dështuar t’i marrë tri pikë në kuadër të javës së 18-të në Serie A.

Giallorossët janë mposhtur me rezultat 2-0 nga Torino në stadiumin ‘Olimpico pas 13 vitesh.

Pjesa e parë i takoi mysafirëve që kaluan në epërsi me anë të Andrea Belottit në minutën e 45’+2.

Roma vs Torino (Foto: Paolo Bruno/Getty Images/Guliver)

Pjesa e parë përfundoi me rezultatin minimal 1-0, ndërsa në të dytën u shënuan sërish vetëm një.

Roma filloi më mirë në pjesën e dytë dhe tentoi ta barazonte rezultatin, mirëpo nuk i shfrytëzuan rastet.

Roma vs Torino (Foto: Paolo Bruno/Getty Images/Guliver)

Kur mendohej se ndeshja po përfundonte me rezultatin minimal, Torino fitoi një penallti nga prekja me dorë e topit nga Chris Smalling, derisa atë në gol e konvertoi Belotti (85’), e që ishte i dyti në takim për të.

Pas javës së 18-të, Roma gjendet në pozitën e katërt me 35 pikë, ndërsa në xhiron e 19-të do të ketë punë me Juventusit. /Telegrafi/