LAJMI I FUNDIT:

Robin van Persie: Liverpooli ishte me fat kundër Ajaxit

Robin van Persie: Liverpooli ishte me fat kundër Ajaxit

Robin van Persie beson se Liverpooli ishte ‘me fat’ që mori një fitore kundër Ajaxit në ndeshjen hapëse të fazës së grupeve të Ligës së Kampionëve.

Reds mundën Ajaxin me rezultat 1-0 falë një autogoli nga Nicolas Tagliafico, i cili devijoi goditjen e Sadio Mane.

Ajax kishte shanset e tyre, por nuk arriti t’i shndërronte në gol pasi Fabinho prodhoi një performancë të madhe si qendërmbrojtës duke e zëvendësuar në mënyrë të përkryer të lënduarin Virgil van Dijk.

Momenti vendimtar i ndeshjes Ajax - Liverpool: Fabinho evitoi gol të sigurt duke larguar topin nga vija e portës
Lexo po ashtu Momenti vendimtar i ndeshjes Ajax - Liverpool: Fabinho evitoi gol të sigurt duke larguar topin nga vija e portës

Por, fitorja e Liverpoolit në udhëtim nuk arriti të bindë Van Persien, i cili tha se atyre u mungonte Van Dijk dhe Thiago Alcantara.

“Ata qartë kanë humbur lojtarët e tyre kryesorë. Virgil në pjesën e pasme dhe Thiago – edhe pse nuk luajti shumë – është një lojtar i klasit botëror”, ka thënë fillimisht Van Persie për BT Sport.

Klopp: Nuk ishte futboll i bukur, por i morëm tri pikët
Lexo po ashtu Klopp: Nuk ishte futboll i bukur, por i morëm tri pikët

“Por, Ajaxi kishte shanse më të mëdha. Ata luajtën mjaft mirë, kishin katër ose pesë shanse të pastra”.

“Kështu që unë mendoj se Liverpooli ka qenë me fat sonte”, përfundoi legjenda holandeze. /Telegrafi/