Këngëtarja shqiptare me famë botërore, Rita Ora, është një admiruese e artit trupor, ashtu që kohë pas kohe shton nga një vizatim në trupin e saj.
Këto ditë, ajo ka bërë edhe një tatuazh të ri, ndërsa i ka publikuar disa fotografi në rrjetet sociale nga momenti i realizmit të tatuazhit të saj.
Tash, 26-vjeçarja numëron më shumë se 26 tatuazhe në fizikun e saj dhe të gjitha kanë një kuptim të caktuar.
Derisa nuk dihet dukja dhe kuptimi i tatuazhit të ri, Telegrafi jua sjell nëpërmjet fotografive tatuazhet e mëparshme të këngëtares dhe kuptimin e disave prej tyre:
Druri gjeometrik i jetës
Në shpinën e saj, Rita ka një tatuazh me 10 rrathë me një simbol në mes që lidhet me të gjithë. Ky tatuazh simbolizon drurin e jetës dhe ka kuptim religjioz, filozofik dhe mitologjik.
Trëndafili
Shqiptarja e famshme e ka të vizatuar trëndafilin në dorë.
Fytyra e qeshur
Në laprën e veshit të djathtë, këngëtarja e ka të vizatuar ‘fytyrën e qeshur’. Kur e tregoi për herë të parë këtë tatuazh, ajo e përshkroi me fjalët: “Qesh edhe pse të thyhet zemra”.
Trekëndëshi
Rita bën pjesë në listën e të famshmëve që e kanë të vizatuar trekëndëshin në trupin e tyre. Ajo e ka të vizatuar këtë figurë gjeometrike në pjesën e brendshme të krahut të djathtë, ndërsa trekëndëshi është i kthyer mbrapsht.
Zemra
Në gishtin e vogël të dorës së majtë, ylli i famshëm e ka të vizatuar zemrën me ngjyrë të zezë.
Parmëza e shpendëve
Në parakrahun e dorës së majtë, Rita e ka të vizatuar parmëzën e shpendëve (që njihet si ‘ashti i dëshirës’).
Simbolet japoneze
Këngëtarja i ka disa simbole japoneze të vizatuara në parakrah në vitin 2014. Askush nuk e di kuptimin e vërtetë të këtij tatuazhi, por besohet të ketë domethënie.
Shigjeta e zezë
Në gishtin e mesëm të dorës së djathtë, ajo e ka të vizatuar një shigjetë të zezë. Këtë tatuazh e ka bërë së bashku me shoqen e saj, Emily Rose.
Penda
Një tjetër tatuazh i bukur i Ritës është penda që është e vizatuar në pjesën e jashtme të dorës së djathtë.
Balerina
Në tricepsin e krahut të djathtë, këngëtarja e ka të vizatuar një balerinë me ngjyra bardh e zi.
Portreti i femrës
Në pjesën e brinjëve, Rita ka bërë tatuazh portretin e një femre gjysmë të zhveshur që i merr erë një luleje. Ajo e ka quajtur ‘Rosetta’ dhe portreti simbolizon fuqinë dhe ngritjen e saj.
Pëllumbi rozë
Tatuazhi i një pëllumbi që fluturon ndodhet në pjesën e pasme të qafës së këngëtares.
Shpresë, dashuri dhe premtim
Në gishtat e dorës së djathtë, Rita i ka të shkruar ‘shpresë’, ‘dashuri’ dhe ‘premtim’ – me ngjyrë të kaltër, të kuqe dhe rozë.
Krahët bardh e zi
Një palë krahë bardh e zi janë të vizatuar në pjesën e pasme të nyjës së këmbës së djathtë. Janë krahë engjëlli.
“Gjithçka është e drejtë në dashuri dhe luftë”
Rita është një fanse e tatuazheve me thënie. Në vitin 2012, ajo i bëri tatuazh fjalët: “Gjithçka është e drejtë në dashuri dhe luftë”.
Spiranca
Në parakrahun e dorës së djathtë, Rita e ka të vizatuar një spirancë të vogël.
“Duaji të gjithë, besoju disave, mos i bëj keq askujt”
Thënien e famshme të William Shakespeare: “Duaji të gjithë, besoju disave, mos i bëj keq askujt”, këngëtarja e ka të shkruar në brinjët e anës së majtë.
Shkrim në hebraisht
Në krahun e djathtë, Rita e ka një tatuazh të bardhë. Shkrimi është në hebraisht dhe shpreh dashurinë për shoqen më të mirë. Edhe pse nuk dihet kuptimi i saktë i tatuazhit, besohet se është ose emri ose ditëlindja e shoqes së saj.
Afërdita
Për ta çuar dashurinë në një nivel tjetër, Rita e ka bërë një tatuazh të madh të perëndeshës greke të dashurisë në bicepsin e majtë. Në tatuazh, Afërdita mban në duar një zemër (zemrën e Ritës) dhe drita rrezaton nga ajo.
‘R’
Shkronja ‘R’ e madhe prapa veshit, ka kuptimin e emrit të saj. Është një tatuazh i vogël, i thjeshtë dhe modest.
Harku i Shigjetarit
Duke qenë Shigjetar në horoskop, Rita e ka bërë tatuazhin e shenjës së saj astrologjie. Këtë vizatim e ka prapa veshit të djathtë.
“Më duaj”
Në parakrahun e dorës së djathtë, Rita e ka të shkruar me ngjyrë të kuqe: “Më duaj”.
Emri i vëllait
Në pjesën e brendshme të parakrahut të djathtë, këngëtarja e ka të shkruar emrin e vëllait të vogël, Don. Interesantja e këtij tatuazhi është se shkruhet me ngjyrë rozë dhe është në shkrimin hindu.
Emri i motrës
Rita ka dashuri edhe për motrën e saj Elena, emrin e të cilës e ka të shkruar në krahun e djathtë, po ashtu me shkrimin hindu.
Ylli
Lista e gjatë e tatuazheve të Ritës përfundon me një yll të vogël të vizatuar në një zonë më intime dhe ka dalë në pah vetëm gjatë një seti fotografik, kur këngëtarja e kishte treguar. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Një nga aktorët më të pëlqyer në botë, por i refuzuar nga vajza e tij – Tom Cruise “nuk ekziston” më për vajzën e tij 18-vjeçare
Bebe Rexha rrëzohet në skenë gjatë performancës në festivalin “Coachella 2024”
Xhuli i reagon Stresit publikisht: M’i ka premtuar 30 mijë euro dhe s’mi ka dhënë, ai pi bar nëpër qoshet e Tiranës
“Me lekët e Big Brother do të shlyente borxhet e ko*ainës”, Stresi bën deklaratën e fortë për Vedat Bajramin
Xhuli i reagon Stresit publikisht: M'i ka premtuar 30 mijë euro dhe s'mi ka dhënë, ai pi bar nëpër qoshet e Tiranës
Rita Ora shkëlqen me dukjen glamuroze në eventin e lansimit të markës së saj të re për flokë
"Faleminderit Zotit, inshallah e përjeton secili prej jush", Bardhi bën dedikimin për foshnjën të cilën ai dhe Sara po e presin
Arrestime të artistëve shqiptarë në Zvicër? Policia kantonale e Cyrihut konfirmon se ka pasur bastisje në klube nate, por nuk specifikon emra
Sara publikon video të barkut, i bën dedikimin foshnjës: Mami dhe babi shpresojnë që për ty të jenë shembulli më i mirë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi