Sipas raportimeve, Rita Ora është martuar me regjisorin Taika Waititi, në një ceremoni private në Londër.

Këngëtarja 31-vjeçare mësohet se tashmë ka ndryshuar mbiemrin dhe se do të njihet si zonja Waititi-Ora, shkruan DailyMail, transmeton Telegrafi.

Krijuesja e hitit “Hot Right Now” dhe regjisori i “Thor: Love And Thunder”, 46 vjeç, janë fotografuar të dy me unaza ari – duke ndezur spekulimet se janë martuar.

Rita Ora dhe Taika (Foto: Getty Images)

Rita dhe Taika filluan të takoheshin në mars 2021, përpara se të dilnin publikisht në muajin gusht.

Çifti u fejuan dy muaj më parë dhe tani burimet pohojnë se ata po planifikojnë një festë të madhe për të kremtuar martesën me miqtë dhe familjen.

Reklama
A u martuan Rita Ora dhe Taika Waititi? Ky i fundit nxit spekulimet me një unazë në gisht A u martuan Rita Ora dhe Taika Waititi? Ky i fundit nxit spekulimet me një unazë në gisht

Një burim i tha The Sun: “Ishte një ceremoni vërtet intime dhe super e veçantë për të gjithë atje. Të afërmit dhe më të dashurit e tyre mund ta shohin se sa çmendurisht të dashuruar janë”.

Reklama

Rita Ora (Foto: Instagram)

“Pavarësisht se është në qendër të vëmendjes, Rita është e vendosur ta mbajë lidhjen sa më private dhe nuk donte të bënte një këngë dhe vallëzim për dasmën”.

Pavarësisht kësaj, Rita është kthyer në studio duke punuar për albumin e saj të tretë.

Ditëve të fundit, biondja ka bërë që të shuhen pak thashethemet se ajo dhe Taika kishin lidhur kurorë fshehurazi, pasi ajo u pa me një sërë unazash ari në duar.

Reklama

Rita Ora dhe Taika (Foto: Wire)

Regjisori i lindur në Zelandën e Re, Waititi, u pa po ashtu me një unazë në gisht të premten e kaluar.

U raportua në qershor se çifti do të martoheshin së shpejti, por që nuk kishte një datë të saktë akoma. /Telegrafi/

Reklama

Rita Ora (Foto: Instagram)