0Shares

Rita Ora më në fund ka konfirmuar edhe personalisht se do të vijë në Kosovë.

Pas shumë hamendjeve rreth ardhjes së këngëtares në vendlindje, ka qenë vet këngëtarja që i ka dhënë fund spekulimeve.

Këngëtarja ka bërë të ditur përmes një mesazhi të publikuar në llogarinë personale në Facebook se do të jetë e pranishme në Kosovë, me rastin e përvjetorit të dhjetë të pavarësisë së Kosovës.

(Foto: Getty Images)

“Përshëndetje të gjithëve! Jam shumë e lumtur që do të jem me ju në 10 vjetorin e Pavarësisë së Kosovës në Prishtinë. Kjo është një bluze të cilën e kam dizajnuar për këtë rast dhe shpresoj të mbetet një kujtim i mirë për të gjithë ne. Ju dua, Rita”, ka shkruar këngëtarja në llogarinë personale në Facebook.

Gjithashtu në fotografinë që e ka shoqëruar me këtë mesazh shihet teksa shkruan me shkronja të mëdha Kosova, e cila shoqërohet me fjalët “Kosova Newborn, Rita Ora në ditën e pavarësisë 2018, në përvjetorin e dhjetë të Kosovës”, shkruan ndër të tjerash në imazhin.

(Foto: Getty Images)

Organizatorët e koncertit të këngëtares, i cili do të mbahet më 17 shkurt, kanë pohuar për Telegrafin se bukuroshja jonë do të jetë para publikut rreth orës 22:00.

“Mund të konfirmoj se më 17 shkurt 2018, në orën 22:00, para shikueseve dhe qytetarëve të Kosovës do të performojë këngëtarja më famë botërore Rita Ora”, kishte thënë Adil Behramaj.

Gjithçka gati për ardhjen e Rita Orës në Kosovë, miratimi i buxhetit pritet javën e ardhshme (Foto) Gjithçka gati për ardhjen e Rita Orës në Kosovë, miratimi i buxhetit pritet javën e ardhshme (Foto)

Ndryshe, këngëtarja është duke punuar në projekte të reja muzikore, të cilat do t’i sjell gjatë muajve në vijim. /Telegrafi/

Të Ngjajshme
Shfaq Komentet (0)