Sergio Reguilon do të largohet nga Tottenham Hotspur pas dy viteve qëndrim në Londër.

Mbrojtësi spanjoll me ardhjen e trajnerit Antonio Conte ka humbur vendin e titullarit, pasi italiani preferon para tij dyshen Perisic e Sessegnon.

Largimi i tij nga Spurs gjatë kësaj vere duket i pashmangshëm dhe Reguilon ka tre opsione para vetës për ta vazhduar karrierën.

25-vjeçari po kërkohet në Spanjë nga Villarreal, në Itali nga Lazio dhe në Angli nga skuadra e rikthyer në elitë, Nottingham Forest.

Spurs janë të gatshëm ta shesin lojtairn, por mund ta lënë edhe në huazim me mundësi blerje.

LIVE: Afati kalimtar veror 2022, transferimet minutë pas minute LIVE: Afati kalimtar veror 2022, transferimet minutë pas minute

Londinezët kishin shpenzuar 30 milionë euro dy vite më parë për lojtarin, derisa tani mund ta heqin për 20 milionë euro.

Reklama

Vet futbollisti preferon rikthimin në Spanjë, ku do të luante te Villarreal si titullar. /Telegrafi/

Reklama