Mohamed Salah e ka përshëndetur Dejan Lovrenin me një deklaratë tejet emocionale, derisa kroati e kompletoi kalimin te Zenti STt. Petersburgu.

Lovren kaloi te klubi rus për 11 milionë funte nga The Reds, pak ditë pasi arritën të shpalleshin kampion të Ligës Premier.

“Nuk di çfarë të them, shoku im. Nuk e di çfarë ndjej, por do të na mungosh shumë, veçanërisht mua”, ka thënë Salah.

“Ju keni qenë një lojtar i mrekullueshëm dhe një shok shumë i mirë për mua. Do na mungosh shumë. Më mungon shumë. Të dua shumë. Ke qenë i mrekullueshëm si brenda ashtu edhe jashtë fushe”.

“Faleminderit shumë çfarë keni bërë për klubin dhe gjithçka çfarë ke bërë për mua”.

Zyrtare: Dejan Lovren largohet nga Liverpooli dhe i bashkohet Zenitit Zyrtare: Dejan Lovren largohet nga Liverpooli dhe i bashkohet Zenitit

“Të dëshiroj gjithë të mirat për të ardhmen dhe në karrierë, shijoje kohën me klubin e ri. Faleminderit dhe shihemi së shpejti”, ka përfunduar egjiptiani.

Salah dhe Lovren ishin shokë të pandashëm te Liverpooli, mirëpo kroati nuk ishte më në planet e Jurgen Kloppit. /Telegrafi/