0Shares

Albert Bunjaku nuk do të jetë më trajner i Përfaqësueses së Kosovës, ndërsa lojtarët kanë vazhduar të shkruajnë për të.

Sulmuesi anësor i Kosovë, Milot Rashica ka shfrytëzuar faqen e tij zyrtare në Facebook për të bërë një postim.

Rashica ka folur për kualifikimet të cilat Kosova i mbylli me një pikë të fituar pas 10 ndeshjeve.

Talenti vushtrrias ka thënë se ai dhe shokët e skuadrës kanë dhënë maksimumin në ndeshjet e Kosovës.

Albert Bunjaku është falënderuar nga shumica e lojtarëve për atë që ka bërë për Përfaqësuesen e Kosovës

“Të gjithë e dimë se rezultatet nuk janë ashtu siç i kemi pritur ne dhe e gjithë Kosova, por ju siguroj se unë dhe bashkëlojtarët e mi kemi dhënë maksimumin. Ndeshje pas ndeshje jemi bërë më të fortë duke iu treguar të gjithëve se shumë shpejt do të jeni krenar me ne”.

“Është vetëm viti i parë dhe ne sapo kemi filluar rrugëtimin tonë. Faleminderit Dardanëve dhe gjithë atyre që na përkrahën pa marrë parasysh rezultatet”.

Milot Rashica duke festuar një gol me fanellën e klubit të tij Vitesse

Në fund Rashica ka folur edhe për trajnerin Albert Bunjaku të cilin e ka falënderuar.

“Dhe në fund, faleminderit Albert Bunjaki, njeriu që ka dhënë gjithçka nga vetja për përfaqësuesen e Kosovës. Gjithmonë do të mbahesh mend si trajneri i parë historik, Kosova dhe historia e saj nuk do të ju harrojnë asnjëherë”, ka shkruar Milot Rashica në Facebook.

Ndeshjen e radhës Përfaqësuesja e Kosovës do ta zhvilloj më 13 nëntor në stadiumin ‘Adem Jashari’ në Mitrovicë. /Telegrafi/

Të Ngjajshme
Shfaq Komentet (0)