Rabiot ende nuk i ka kthyer përgjigje Juventusit, Barcelona po e monitoron situatën e francezit

Adrien Rabiot do të mbetet futbollist i lirë më 30 qershor, por ai ende nuk e ka të qartë të ardhmen e tij.

Mesfushori francez ka pasur një vit fantastik me fanellën e Zonjës së Vjetër, ndoshta më të mirin në karrierën e tij.

28-vjeçari ka zhvilluar 48 ndeshje zyrtare në të gjitha garat ku ka realizuar edhe 11 gola dhe ka asistuar në gjashtë të tjerë.

Lexo po ashtu Juve me kontratë të re për Rabiot

Kontrata e tij me Zonjën e Vjetër skadon më 30 qershor, derisa drejtuesit e gjigantit italian po mundohen ta bindin me një kontratë të re pesë vjeçare.

Rabiot ka në tavolinë ofertën e Juventusit prej shtatë milionë eurove neto në sezon që është e njëjta sa fiton aktualisht.

Megjithatë francezi ende nuk i ka kthyer përgjigje torinezëve pasi po shqyrton edhe ofertat e tjera para se të marrë një vendim përfundimtar për të ardhmen e tij.

Lexo po ashtu Manchester United rikthehet për Rabiotin

Mundo Deportivo nga ana tjetër ka raportuar se Barcelona është duke e monitoruar situatën e francezit dhe është gati t’i ofrojë një kontratë, por jo me pagën që fiton aktualisht Rabiot.

Gjithsesi për francezin nuk mungojnë interesimet nga Liga Premier, pasi Manchester United e Liverpool janë vënë pas tij si dhe Bayern Munich që e dëshiron transferimin e Rabiot në Bundesliga. /Telegrafi/