Lazio thuhet se mund të bëjë një lëvizje për sulmuesin anësor të Juventusit, Edon Zhegrova, në javën e fundit të afatit të transferimeve të verës në rast se Matteo Cancellieri largohet nga klubi para afatit të 1 shtatorit.
Më pak se një javë ka mbetur deri në mbylljen e afatit kalimtar të verës në Serie A, por Lazio mund të shohë ende disa aktivitete për sa i përket transferimeve dhe largimeve sipas raporteve të fundit.
Pasi mirëpritën Andrea Pinamontin nga Sassuolo të enjten, Biancocelesti mund të bëjnë më shumë punë në sulm, më saktësisht në krahët e sulmit para mbylljes së afatit kalimtar të verës.
Sipas Gazzetta dello Sport, ylli kosovar i Juventusit, Zhegrova është një opsion për Lazion në rast se Cancellieri largohet.
Cancellieri thuhet se është në interes të Fiorentinës dhe Genoas, të cilat kanë qenë në kontakt me Lazion gjatë ditëve të fundit.
Gazzetta dello Sport pretendon se Lazio po shqyrton një marrëveshje të mundshme huazimi për Zhegrovën, potencialisht me një opsion blerje dhe jo një detyrim. /Telegrafi/
