Cristiano Ronaldo pati një ‘ekses’ para ndeshjes së djeshme (e martë) të Manchester Unitedit ndaj Young Boys në Ligën e Kampionëve.

Manchester Unitedi nuk e nisi mirë fushatën e sezonit 2021/22 në Ligën e Kampionëve, pasi u mposht 2-1 nga Young Boys në kuadër të Grupit F.

Djajtë e Kuq faktikisht e nisen mirë duke kaluar në epërsi me Ronaldon (13’), por Aaron Wan-Bissaka i la me një lojtar më pak nga minuta e 35-të dhe Unitedi pranoi dy gola në pjesën e dytë për ta humbur ndeshjen.

Ronaldo nuk mjafton, Wan-Bissaka e Lingard tradhtojnë ‘Djajtë e Kuq’ – Young Boys merr tri pikë ndaj Man United Ronaldo nuk mjafton, Wan-Bissaka e Lingard tradhtojnë ‘Djajtë e Kuq’ – Young Boys merr tri pikë ndaj Man United

Përveç kësaj, Ronaldo e pati edhe një ‘ekses’ të vogël para ndeshjes, apo më saktë gjatë ngrohjes para fillimit të takimit.

Ronaldo goditi një top nga distanca, top i cili goditi në kokë një punëtore të sigurimit të stadiumit dhe e rrezoi në tokë.

E goditi me top para ndeshjes – Ronaldo tregon zemrën e madhe, ia dhuron fanellën rojës që e rrëzoi me top para ndeshjes E goditi me top para ndeshjes – Ronaldo tregon zemrën e madhe, ia dhuron fanellën rojës që e rrëzoi me top para ndeshjes

Portugezi u tregua i kujdesshëm duke shkuar në tribuna dhe për ta shikuar a është gjithçka në rregull, ndërsa më vonë ia dhuroi edhe fanellën.

Tashmë në rrjetet sociale është publikuar edhe video momentin ku shihet Ronaldon teksa e godet direkt në kokë punëtoren e sigurimit. /Telegrafi/