Milan Skriniar vazhdon ta ketë të pasigurt të ardhmen e tij, së paku deri në fund të afatit kalimtar veror.

Qendërmbrojtësi sllovak ka qenë objektivi kryesor i Paris Saint Germain, por Interi ka refuzuar disa oferta të rëndësishme nga gjiganti francez.

Megjithatë parisienët nuk janë dorëzuar për shërbimet e sllovakut dhe kanë bërë gati një ofertë të re në drejtim të Interit.

Prestigjiozja franceze L’Equipe ka raportuar se PSG ka përmirësuar ofertën dhe i ka vënë ultimatum Interit dhe vet lojtarit të kthejnë një përgjigje të shpejtë.

Edhe pse nuk janë bërë të ditura shifrat e ofertës, gjithnjë sipas L’Equipes oferta është 60 milionë pasi PSG nuk e ka ndërmend të ofrojë 70 milionët e kërkuar nga Interi.

Reklama

Gjiganti italian tani duhet të vendos nëse do ta pranojë këtë ofertë, apo të rrezikojë dhe ta humbas sllovakun pas një viti me parametra zero kur edhe i përfundon kontrata.

Reklama
Nga Ronaldo te Neymar, Silva, De Jong e Broja: Disa nga transferimet e mëdha që mund të ndodhin ende para mbylljes së afatit kalimtar veror Nga Ronaldo te Neymar, Silva, De Jong e Broja: Disa nga transferimet e mëdha që mund të ndodhin ende para mbylljes së afatit kalimtar veror

27-vjeçari ka shkëlqyer sezonet e fundit me Interin dhe fiton një pagë prej tre milionë euro në stinor, derisa PSG i ka garantuar atij rritje të trefishtë nëse pranon ofertën e tyre.

Gjithsesi java e ardhshme pritet të jetë vendimtare për të ardhmen e Skriniar për të cilin interesim ka shprehur edhe Chelsea. /Telegrafi/