Matt Doherty ka kompletuar transferimin tek gjiganti anglez Tottenham Hotspur.

Mbrojtësi i djathtë irlandez ka shkëlqyer me Wolves, ndërsa Spurs paguan 16,8 milionë euro për shërbimet e tij.

Gjithsesi te Spurs janë të vetëdijshëm se kanë transferuar një tifoz të Arsenalit, rivalit më të urryer.

Të gjithë e dinin se Doherty është një tifozë i madh i Topçinjve, por Totenham vendosi ta transferojë atë.

Spurs kanë bërë një veprim fantastik që i ka lënë përshtypje të madhe tifozëve të tyre.

Skuadra e drejtuar nga Jose Mourinho, e detyroi Dohertyn t’i fshijë të gjitha postimet që kishte bërë në Twitter si tifoz i Arsenalit.

Edhe pse luante për Wolves, Doherty nuk ngurronte asnjëherë për të treguar dashurinë e tij për Arsenalin.

Tani video e prezantimit të tij duke i fshirë postimet për Arsenalin është bërë virale nëpër rrjetet sociale.

Ky gjest i Spurs është duartrokitur nga tifozët e futbollit pasi nuk është parë më parë. /Telegrafi/