Presidenti i Riverit pranon: Palacios shumë afër Realit

Presidenti i River Plates, Rodolfo D’Onofrio, shpreson se Real Madridi do të lejojë që të mbajnë yllin e tyre Exequiel Palacios për një vit tjetër.

Real Madridi pritet që ta transferojë mesfushorin e talentuar qysh në janar.

“Dallimi ekonomik mes Real Madridit dhe Riverit është i madh”.

“’Është e vështirë të majmë një lojtar, por historia na thotë se lojtari e sheh po ashtu të ardhmen te ai klub dhe ne nuk mund ta ndalim karrierën e tij. Klubi nuk mund të jetë i mbyllur, por të hapet për negociata. Që një lojtar nga Riveri të shkojë në Madrid është po ashtu gjë prestigjioze për Riverin”.

“Ai është në nivel të lartë, por unë mendoj se do të jetë mirë që të luajë edhe një vit tejtër në Argjentinë”.

“Ne do të negociojmë dhe Reali e di këtë. Ai është i ri, por tepër serioz. Është lojtari kompletuar dhe nëse ata vërtet e duan atë, do të ishte ideale për Realin dhe për vet lojtarin”, u shpreh D’Onofrio.

Reali do ta shohë nga afër lojtarin kur ai të luajë ndaj Boca Juniors në finalen e Copa Libertadores që zhvillohet në Bernabeu të dielën. /Telegrafi/