Raportet po rriten me shpejtësi se Suning Group do të preferonte të shiste 30 për qind të Interit tek PIF (Fondi i Investimeve Publike të Arabisë Saudite) sesa të gjithë klubin te BC Partners.

Grupi kinez po kërkon prurje të reja të të ardhurave dhe shiti 25 për qind të kompanisë së tyre me pakicë për të ndihmuar në mbështetjen e situatës pas humbjeve të madha shkaku i pandemisë.

Ata kanë qenë në bisedime të avancuara me BC Partners për të shitur të gjithë klubin e Serie A për të paktën 800 milionë euro, por La Gazzetta dello Sport raportoi sot se kishte gjithashtu interes nga PIF.

Suning kërkon 'partnerë të përshtatshëm për Interin' Suning kërkon 'partnerë të përshtatshëm për Interin'

Gazetari sportiv Ben Jacobs konfirmoi se historia është “e saktë” në llogarinë e tij në Twitter, duke theksuar se Yasir Al Rumayyan ka qenë i përfshirë në negociata.

Ndryshe nga BC Partners, PIF po kërkon vetëm rreth 30 për qind investime në Inter, të cilat do të lejonin Suning të mbante klubin, por gjithashtu të vazhdonte procesin e rritjes me fonde të reja.

Është sugjeruar që Steven Zhang dëshiron të mbajë kontrollin e Interit, veçanërisht tani kur ata janë në krye të tabelës së Serie A, ndërsa babai i tij Zhang Jindong është në favor të një shitje të plotë të klubit.

Shitja e Interit: Interesim i madh nga Fondi i Investimeve Publike të Arabisë Saudite - zbulohet oferta e re Shitja e Interit: Interesim i madh nga Fondi i Investimeve Publike të Arabisë Saudite - zbulohet oferta e re

Arabia Saudite priti dy edicione të Superkupës së Italisë në vitet e fundit, edhe pasi Lega Serie A u kritikua për pranimin e propozimit mes çështjeve të ndryshme të të drejtave të njeriut dhe piraterisë.

PIF gjithashtu ka kërkuar të investojë në klubin anglez, Newcastle United. /Telegrafi/