Pogba goditi Man Unitedit në një telefonatë në “FaceTime” me agjentin për ‘dredhitë’ rreth kontratës së tij

Paul Pogba foli për mënyrën e negociatave të kontratës nga Manchester United gjatë një bisede me agjentin tashmë të ndjerë Mino Raiola përpara se të vendoste të largohej nga klubi dhe të kërkonte një rikthim në Juventus.

Mesfushori francez, fitues i Kupës së Botës nuk arriti t’i përmbushte pritshmëritë në ribashkimin e tij prej mbi 100 milionë euro në Old Trafford, pavarësisht se fitoi Kupën e Ligës dhe Ligën e Evropës gjatë sezonit të tij debutues nën Jose Mourinhon.

Pas pesë sezoneve të mëvonshme pa trofe, kontrata e Pogbas skadoi këtë muaj – por jo përpara se ai të akuzonte Djajtë e Kuq për ‘dredhi’ në një bisedë me agjentin Raiola para vdekjes së tij në prill të këtij viti.

Klipet nga dokumentari i ardhshëm i Pogbas në Prime Video, “The Pogmentary”, kanë treguar një bisedë mes lojtarit dhe agjentit nga këndvështrimi i Raiolës.

Raiola thotë në telefon: “Nëse duan që ju të qëndroni, nuk mund të bëjnë një ofertë të tillë”.

“Unë do t’i bëj të kuptojnë se nëse duan vërtet që ju të qëndroni, nëse duan të ndërtojnë diçka me ju, këtë herë, ata duhet të bëjnë diçka ndryshe”.

“Ata duhet t’i vendosin paratë në tavolinë”, kishte thënë agjenti.

Për të cilën Pogba përgjigjet: “Ata po bëjnë dredhi. Si mund t’i thuash një lojtari që e dëshiron vërtet atë dhe nuk i ofron asgjë – e pabesueshme”.

“Ti mund të ofrosh një kontratë që thotë ‘ne të duam, nuk duam që të largohesh, do të bëjmë gjithçka për të të mbajtur’. Mino nuk duhet të ma thotë këtë”.

“Klubi duhet ta bëjë këtë. Klubi duhet të flasë me lojtarin”, shton më tej francezi.

United njoftoi në fillim të këtij muaji: “Klubi mund të njoftojë se Paul Pogba do të largohet nga Manchester United në fund të qershorit, pas skadimit të kontratës së tij”. /Telegrafi/