Po kërkohet nga Leverkuseni, Arteta flet për situatën e Xhakës

Granit Xhaka është duke kaluar nëpër një sezon të jashtëzakonshëm me Arsenalin, ku ende janë në garë për titullin në Angli.

Megjithatë ditëve të fundit kanë qarkulluar lajme të ndryshme në Angli dhe Gjermani që mesfushori do të largohet në verë nga Arsenali.

Skuadra gjermane Bayer Leverkusen është e gatshme t’i ofroj një kontratë afatgjate Xhakës, edhe pse largimi i tij nga Londra duket shumë i vështirë.

Për të ardhmen e Xhakës është pyetur edhe trajneri Mikel Arteta, i cili ka thënë se nuk dëshiron të flas për një gjë të tillë.

Trajneri spanjoll tha se i intereson vetëm ndeshja e radhës dhe jo të flasë për tregun e transferimeve dhe historitë që e lidhin Xhakën me skuadrat e tjera.

“Unë jam i fokusuar vetëm te Brightoni. Nuk dua të përgjigjem për histori të tilla për Granitin. Ai është një lojtar i rëndësishëm për ne dhe të gjithë kemi mendjen vetëm te ndeshja e radhës”, deklaroi Arteta.

Lexo po ashtu Xhaka drejt rikthimit në Bundesliga, një klub i ofron Arsenalit shkëmbimin e bujshëm

Xhakaka shtatë vite që është pjesë e Arsenalit, derisa ka kontratë me londinezët deri në verën e vitit 2024.

30-vjeçari këtë edicion ka zhvilluar 44 ndeshje zyrtare me londinezët ku ka shënuar shtatë gola dhe ka asistuar në shtatë të tjerë. /Telegrafi/