Liverpooli nuk e ka nisur siç duhet edicionin e ri në Ligën Premier të Anglisë.
Në katër ndeshjet e para kampioni në fuqi ka triumfuar në tri prej tyre, por ka pësuar një humbje turpëruese 7:2 nga Aston Villa.
Gjithsesi pranimi i 11 golave në katër ndeshje ka alarmuar drejtuesit e The Reds dhe trajnerin Jurgen Klopp.
Mbrojtja është pika e dobët e Liverpoolit dhe për këtë trajneri Jurgen Klopp po dëshiron ta përforcojë skuadrën.
Mediat angleze kanë raportuar se trajneri Jurgen Klopp ka kërkuar nga drejtuesit e klubit transferimin e një qendërmbrojtësi në afatin kalimtar të janarit.
Dayot Upamecano, Kalidou Koulibaly dhe Diego Carlos janë në listën e trajnerit gjerman për t’iu bashkuar The Reds.
Të tre mbrojtësit kanë një çmim të shtrenjtë, ndërsa kampioni anglez synon ta transferojë njërin nga ta.
Liverpool për ta marrë njërin nga mbrojtësit e lartpërmendur duhet të shpenzojë mbi 70 milionë euro. /Telegrafi/
