Pesë objektivat kryesore të Newcastle United për afatin kalimtar: Toni Kroos prioritet, në listë edhe katër lojtarë të tjerë të njohur

Tifozët Newcastle janë duke i numëruar ditët, deri në afatin kalimtar të janarit , pasi Fondi i Investimeve Publike do të futet në treg, që të përdorë disa nga pasurisë së tyre të madha për blerjet e reja.

Shmangia e rënies nga kategoria është prioriteti për sezonin 2021/22, dhe pas emërimit të Eddie Howe si trajner, plani i hierarkisë së klubit është që ta mbështes trajnerin në afatin e janarit, ku pesë objektiva janë identifikuar tashmë.

Toni Kroos

Mesfushori gjerman do të ishte nënshkrimi më i vështirë në listën e Newcastle United, ndonëse ata planifikojnë të tentojnë gjithsesi mundësitë e tyre.

Ish-ylli i Bayern Munichut ka edhe dy vjet të mbetura në kontratën e tij me Real Madridin dhe e ka bërë të qartë synimin e tij për t’u tërhequr nga futbolli me fanellën e Los Blancos, por Newcastle mund t’i ofrojë Florentino Perezit një shumë transferimi që ai nuk mund t’i thotë jo.

Niklas Sule

Shqetësimet e mbrojtjes e qojnë Newcastlen te mbrojtës i Bayern Munich, por është një blerje që duhet punë.

Megjithatë, nuk do të jetë aq problematik sa nënshkrimi i Kroos, pavarësisht se mbrojtësi po ka minutazh të rregullt me ​​klubin bavarez.

Një ofertë e rëndësishme ekonomike mund të tundojë Bayern Munich për të shitur, veçanërisht pasi në klub ka të rinj premtues.

Van de Beek

Ole Gunnar Solskjaer nuk i beson mesfushorit holandez, pasi i ka dhënë vetëm 150 minuta deri më tani këtë sezon.

Mesfushori i kushtoi Manchester United rreth 40 milionë euro, por ka udhëzuar agjentin e tij që të punojë për një largim të mundshëm në dimër.

Pak klube ka që do t’i afroheshin tarifës që United pagoi te Ajax për lojtarin, por ata mund të shpresojnë të përfitojnë nga pasuria e Newcastle.

Jesse Lingard

Pavarësisht këmbënguljes së Solskjaer se Lingard ishte jashtëzakonisht i rëndësishëm gjatë verës, lojtari anglez ka shënuar vetëm 160 minuta, 10 më shumë se Van de Beek.

Dëshira e tij për të luajtur në Kupën e Botës 2022 në Katar mund të përshpejtojë një lëvizje me çmim të ulët në janar, megjithëse me kontratën e tij që skadon në qershor, Newcastle pritet të mos ofrojë shumë.

Tyrone Mings

Howe punoi me mbrojtësin te Bournemouth, megjithëse ai nuk i dha shumë minuta në atë kohë, por zhvillimi i tij në Aston Villa ka qenë i jashtëzakonshëm.

Ai ka fituar përvojë në Ligën Premier dhe është një lider në mbrojtje, dhe do të sillte fuqi në linjën e mbrojtëse të laraskave.

/Telegrafi/