Mohamed Salah dhe Sergio Ramos janë përqafuar në ceremoninë e ndarjes së çmimeve Globe Soccer Awards që u zhvillua në Dubai të Emiratave të Bashkuara Arabe.

Reklama

Anësori i Liverpoolit u kurorëzua lojtari i vitit sipas fansave të TikTokut duke lënë prapa konkurrencë, si Cristiano Ronaldo, Erling Haaland e Karim Benzema (ky i fundit e fitoi çmimin për futbollistin e vitit).

Në anën tjetër, mbrojtësit të Paris Saint-Germainit iu nda çmimi për mbrojtësin më të mirë të të gjitha kohërave.

Padyshim që përqafimi i tyre përbën një moment interesant mes dy futbollistëve duke kujtuar lëndimin që Ramos i kishte shkaktuar Salahut në finalen e Ligës së Kampionëve në vitin 2018.

Reklama

Në atë ndeshje, egjiptiani u detyrua ta lëshonte fushën pas lëndimit të shpatullës, ndërsa Real Madridi e fitoi trofeun me rezultat 3-1.

Reklama

Tifozët e Liverpoolit janë të vetëdijshëm se Salah ka një karakter vërtet miqësor, mirëpo edhe ata do të jenë befasuar me përqafimin e ngrohtë me Ramosin. /Telegrafi/