Real Madridi mund të shkaktojë befasi në ditët e fundit të afatit kalimtar, pasi që tani lidhet me një transferim të Mauro Icardit nga Interi.

Sipas asaj që raporton Diario Sport, Los Blancos janë të zhgënjyer me formën e Luka Jovicit që e transferuan në këtë verë nga Eintracht Frankfurt, andaj duan ta transferojnë argjentinasin.

Drejtori gjeneral i Nerazzurëve, Beppe Marotta, ka konfirmuar ditë më parë se janë të gatshëm që ta shesin Icardin në këtë afat kalimtar, mirëpo jo brenda Italisë.

Beppe Marotta

Sulmuesi problematik po kërkohet nga Napoli dhe Juventusi, mirëpo Interi nuk dëshiron t’i përforcojë rivalët që janë direkt në garë për titullin e Serie A-së.

E përditshmja spanjolle bënë të ditur se Flrentino Perez ka kontaktuar personalisht me Marottan për ta pyetur për transferimin e mundshëm të Icardit.

Florentino Perez

Argjentinasi mund të transferohet në Santiago Bernabeu për një shumë rreth 70 milionë euro, e që në garë për të është edhe Atletico Madridi.

Formacioni i mundshëm i Atleticos me transferimin e Icardit Formacioni i mundshëm i Atleticos me transferimin e Icardit

Nëse Icardi transferohet te Real Madridi, atëherë do ta rivalizonte Karim Benzeman për pozitën e sulmuesit kryesor në skuadër.

Luka Jovic do të largohej në formë huazimi, pasi tashmë disa skuadra evropiane janë të interesuar në shërbimet e tij. /Telegrafi/