Pentagoni zbulon emrat e tre ushtarëve – tregohet edhe shkaku i mundshëm i vrasjes së tyre në një bazë amerikane në Jordani

Janë zbuluar emrat e tre trupave amerikane që u vranë në një sulm me dron në një bazë amerikane në Jordani.

Sipas mediave të huaja, përcjell Telegrafi, Pentagoni i ka identifikuar të vrarët në sulm si Sgt William Jerome Rivers, 46 vjeç, nga Carrollton, Georgia; Spc Kennedy Ladon Sanders, 24 vjeç, nga Waycross, Georgia, dhe Spc Breonna Alexsondria Moffett, 23 vjeç, nga Savannah, Georgia.

Zyrtarët kanë shtuar se nga më shumë se 40 të plagosur, shumica kishin prerje, mavijosje, lëndime traumatike në tru dhe plagë të ngjashme, përcjell Telegrafi.

Prej tyre, tetë janë evakuuar dhe më i lënduari është në gjendje kritike, por të qëndrueshme.

Lexo po ashtu Hakmarrja e SHBA-së do të kërcënonte marrëveshjen e pengjeve Izrael-Hamas, paralajmëron Katari

Ndërkohë është zbuluar se “droni i armikut mund të jetë ngatërruar me një mjet fluturues pa pilot amerikan (UAV) që po kthehej në bazë”.

Shpjegimi erdhi pasi Shtëpia e Bardhë tha se nuk po kërkon luftë me Iranin, pavarësisht se presidenti Joe Biden u zotua për hakmarrje.

Biden u takua me anëtarët e ekipit të tij të sigurisë kombëtare në dhomën e situatës në Shtëpinë e Bardhë për të diskutuar mbi zhvillimet e fundit.

Sulmi shton një situatë tashmë të tensionuar në Lindjen e Mesme, ndërsa administrata e Biden përpiqet të pengojë që lufta Izrael-Hamas të zgjerohet në një konflikt më të gjerë rajonal. /Telegrafi/