Pensionohet Fernando Torres

Fernando Torres ka bërë të ditur se i ka dhënë fund karrierës prej një futbollisti profesionist.

Spanjolli ka bërë të ditur se një fjalim lamtumirës do ta mbajë gjatë ditës së diele në Tokio, ku vitet e fundit është paraqitur me skuadrën e Sagan Tosut.

“Unë diçka të rëndësishme kam për të njoftuar. Pas 18 vitesh emocionuese, ishte koha që të përfundoj karrierën time. Të dielën në orën 10:00 sipas kohës japoneze (03:00 sipas kohës sonë lokale), do të mbajë një konferencë për shtyp, ku ë do të shpjegojë të gjitha detajet. Shihemi atje”, ka pohuar përmes një videoje në Twitter.

I have something very important to announce. After 18 exciting years, the time has come to put an end to my football career. Next Sunday, the 23rd at 10:00AM, local time in Japan, I will have a press conference in Tokyo to explain all the details.See you there. pic.twitter.com/WrKnvRTUIu

— Fernando Torres (@Torres) June 21, 2019

Fëmija karrierën e ka filluar te Atletico Madrid, kur në vitin 2001 u promovua te ekipi i të rriturve gjersa më parë ka luajtur edhe te Liverpolli, ku ishte ndër lojtarët e preferuar të klubit anglez.

Më pas ka luajtur edhe te Chelsea ku u transferua për 58 milionë euro dhe për një periudhë të shkurtër te Milani, ku më pas u rikthye te ekipi i Atleticos, me të cilin fitoi Ligën e Evropës gjersa këtë sezon ka luajtur në finale të Ligës së Kampionëve të Azisë.

Edhe pse ka fituar trofeun e Ligës së Kampionëve dhe të Evropës si një lojtar Chelseat, suksesi më të madh e ka me ekipin kombëtar të Spanjë, ku ka fituar dy herë titullin e Evropës dhe një të botës. /Telegrafi/