Përkundër njoftimeve në Spanjë se Interi është duke kontaktuar me përfaqësuesit e Pedro Rodriguez, mediat italiane raportojnë se futbollisti i Chelseat do t’i bashkohet Romës.

Spanjollit i përfundon kontrata në fund të këtij sezoni dhe prite të largohet nga Stamford Bridge dhe nga Liga Premier.

Todo Fichajes ka raportuar se Interi ka përgatitur ofertë për 32-vjeçarin, mirëpo Corriere dello Sport dhe mediat tjera italiane besojnë se ai tashmë ka arritur marrëveshje personale me Giallorossët.

(Foto: Shaun Botterill/Getty Images/Guliver)

Roma i ka ofruar kontratë dyvjeçare me opsionin edhe për një vit tjetër, në vlerë prej tre milionë eurosh në sezon plus bonuset.

Pedro: Jam i hapur për oferta Pedro: Jam i hapur për oferta

Megjithatë, klubi nga kryeqyteti Italisë duhet të largojë lojtarë para se të nënshkruajë me tjerë. Diego Perotti, Cengiz Under, Javier Pastore e Justin Kluivert, janë disa nga emrat që mund të largohen. /Telegrafi/