Pas përqafimeve dhe të qeshurave, një atmosferë e tensionuar: Ben Affleck dhe Jennifer Garner në një takim jo aq miqësor

Ben Affleck dhe Jennifer Garner, megjithëse të divorcuar prej vitesh, janë ende në kontakt për shkak të fëmijëve. Shfaqja e tyre e fundit në aeroport me rastin e mbërritjes së djalit të tyre Samuel ka nxitur edhe një herë spekulimet për problemet në marrëdhënien e tyre.

Sipas DailyMail, ish-çifti u pa në një atmosferë disi të tensionuar. Jennifer dukej serioze dhe plotësisht e përqendruar te djali i saj, ndërsa Ben Affleck dukej nervoz, i fshehur pas syzeve të diellit dhe duke pirë një cigare. Nuk pati asnjë ndërveprim domethënës midis tyre derisa mbërriti Samuel.

Affleck dhe Garner ishin të martuar nga viti 2005 deri në vitin 2018 dhe kanë tre fëmijë së bashku: Violet (19), Finn (16) dhe Samuel (13). Pavarësisht divorcit të tyre, të dy kanë theksuar publikisht se prindërimi është përparësia e tyre dhe se po përpiqen të ruajnë një marrëdhënie miqësore.

Stony-faced Ben Affleck frostily reunites with 'love of his life' Jennifer Garner after her man moved in https://t.co/zjO50b3uoC

— Daily Mail Celebrity (@DailyMailCeleb) June 12, 2025

“Jam vërtet me fat që kam një partnere të shkëlqyer tek ajo dhe nëna e fëmijëve të mi, e cila është e mrekullueshme dhe është shumë mirë të punosh me të”, tha Affleck në një intervistë të kohëve të fundit.

Pas divorcit, Ben u rikthye te ish-e dashura e tij Jennifer Lopez, me të cilën u martua, por martesa nuk zgjati. Garner, nga ana tjetër, është në lidhje me biznesmenin John Miller që nga viti 2018. Sipas mediave, John kohët e fundit është zhvendosur përkohësisht të jetojë me Jennifer, sepse shtëpia e tij u dëmtua në një zjarr.

Pavarësisht kësaj, ka pasur spekulime se Ben Affleck mund të jetë duke kërkuar të ringjallë marrëdhënien e tij me Garner. Megjithatë, një burim pranë aktores pohon se një mundësi e tillë nuk ekziston. “Ajo është e lumtur në marrëdhënien e saj me të dashurin e saj dhe nuk po mendon të afrohet përsëri me Benin. E vetmja gjë që i lidh të dy tani është prindërimi”, tha burimi.

Fotot nga festimi i ditëlindjes së Samuelit i nxitën më tej thashethemet. Afërsia e tyre në foto thuhet se e mërziti partnerin e Garner, John Miller. Sipas Page Six, Miller shprehu pakënaqësinë e tij me mënyrën se si u portretizuan në publik.

“Ai e di që nuk ka asgjë më shumë midis Jennifer dhe Ben, por mendon se foto të tilla japin përshtypjen e gabuar dhe nuk e respektojnë marrëdhënien e tij me të. Kjo është arsyeja pse i dha asaj një ultimatum – situata të tilla nuk duhet të ndodhin më, përndryshe do të marrë në konsideratë t’i japë fund marrëdhënies”, tha një burim pranë çiftit. /Telegrafi/