Chelsea dhe Arsenal do të përballen sot (29 maj) në kuadër të finales së Ligës së Kampionëve nga ora 21:00 në Baku të Azerbajxhanit.

Finalja mes dy skuadrave nga Londra do të jetë interesante për t’u shikuar, duke ditur edhe rivalin e madh që e kanë të dyja klubet.

Unai Emery tashmë është në dijeni se rreziku kryesor në këtë përballje do t’i vije nga Eden Hazard, që është një driblues i jashtëzakonshëm, ndërsa ish-trajneri në Ligën Premier, Alan Pardew, i ka dhënë një këshillë spanjollit.

Alan Pardew (Foto: Matthew Lewis/Getty Images/Guliver)

Ish-trajneri i West Bromwich Albion i ka bërë me dije Arsenalit se ata duhet të rrethojnë belgun me dy apo tre lojtarë, pasi që nëse nuk e bëjnë këtë gjë, ai do t’i turpërojë.

“Një gjë e rëndësishme se çfarë duhet të bëjnë Gunners në Baku është që ta gjejnë rrugën se si ta ndalin Eden Hazardin. Nuk ka asnjë mënyrë taktike apo formacion që nuk duhet të mendohet kjo gjë”, ka thënë Pardew në BBC.

“Arsenali nuk duhet ta konsiderojë Hazardin si një lojtar të thjeshtë, pasi nëse e bëjnë këtë, ai do t’i turpërojë qysh në pjesën e parë”.

Eden Hazard (Foto: Clive Mason/Getty Images/Guliver)

“Ata duhet që ta ndalin atë duke e markuar me dy apo tre lojtar. Në Ligën Premier ata kanë shikuar cilësitë e tij, sidomos në sezonin e kaluar kur i kalonte lojtarët e tyre me lehtës”.

Finalja londineze: Chelsea dhe Arsenal e duan Ligën e Evropës, formacionet e mundshme Finalja londineze: Chelsea dhe Arsenal e duan Ligën e Evropës, formacionet e mundshme

“Andaj, ata duhet që ta lënë një mesfushor qendror afër tij, duke u dyfishuar nga një mbrojtës apo edhe një mesfushë tjetër”., ka shtuar më tej trajneri anglez. /Telegrafi/