Oriol Romeu thurë elozhe për Armando Brojën

Ylli i Southamptonit, Oriol Romeu, i ka ofruar këshilla bashkëlojtarit të ri shqiptar, Armando Broja, në lidhje me kalimin e tij si huazim nga Chelsea.

Romeu ka përvojën e tij, duke kaluar dy vjet nga stazhi i tij katër vjeçar me Chelsean në formë huazimi në klube të tjera.

Broja aktualisht është te Saints deri në fund të sezonit dhe i riu ka lulëzuar në Ligën Premier këtë sezon, duke shënuar pesë gola.

Lexo po ashtu Chelsea mendon të shesë përfundimisht Armando Brojën

Bashkëlojtari i tij spanjoll ka shfrytëzuar përvojën e tij për t’i dhënë disa këshilla të vlefshme sulmuesit shqiptar.

“Mendoj se Armando ka bërë shumë mirë që ka ardhur në një klub të ri, për një sezon ose dy maksimum, kam menduar se ishte gjithmonë e vështirë kur duhej ta bëja”, ka thënë fillimisht Romeu për Daily Echo.

“Kjo është arsyeja pse unë mendoj se Armando po bën shumë mirë. Duhet të performosh mjaft mirë për të qenë titullar siç po bën Armando”.

“Ai është një kërcënim për ne tani, ai është një lojtar që ne kemi nevojë”.

Lexo po ashtu Southamptoni ka gati ofertën rekord të klubit për transferimin e Armando Brojës

“Me shpejtësinë e tij ai me të vërtetë i lëndon të gjithë dhe mund të krijojë raste nga shumë pozicione”.

“Mendoj se ta kesh atë është një gjë shumë e mirë dhe po na ndihmon vërtet të marrim disa pikë, veçanërisht muajt e fundit”, përfundoi ylli i Southamptonit. /Telegrafi/