Familja dhe miqtë ishin mbledhur për ceremoninë fetare të dasmës në ishullin Java. Por dhëndëri Rio nuk kishte ftuar askënd prej të afërmve ose miqve, kështu që familjarët e nuses filluan të dyshojnë në identitetin e tij.
Situata kulmoi kur ai refuzoi të tregonte letërnjoftimin, shkruan gazeta britanike
Telegraph. “Dyshimet u shtuan edhe më kur dhëndëri papritmas ndërroi edhe zërin dhe filloi të flas si grua”, tha një zyrtar lokal i policisë. Ai tha se dhëndëri kishte trup burrëror dhe me nusen Nurain njihej që shtatë muaj.
Më vonë u vërtetua se ai në fakt ishte vajzë dhe emri i saj i vërtetë ishte Erni. Nusja e turpëruar thirri policinë dhe kërkoi që Erni të shkojë në burg. Për ta ruajtur nderin, familjarët thirrën shpejtë e shpejtë ish të dashurin e vajzës e cila tashmë ishte bërë nuse dhe e martuan me të.
Nurain dhe Erni ishin njohur nëpërmjet shokëve, ndërsa ajo thuhet se nuk ka dyshuar kurrë se në fakt ai është vajzë deri në ditën e martesës. Homoseksualiteti në vendin më të populluar në botë nuk është i ndaluar. Megjithatë martesat e gjinisë së njëjtë nuk lejohen me ligj. /Telegrafi/
