Barcelona mori një triumf të shkëlqyeshëm në Torino të mërkurën, kur mposhti Juventusin me rezultat 2-0, ndërsa ajo që ra në sy ishte paraqitja e 17-vjeçarit Pedri.

Megjithatë, futja e tij në lojë nga minuta e parë nuk është befasi, pasi Ronald Koeman i ka prezantuar botës së futbollit disa të rinjve të shkëlqyeshëm ndër vite.

Ansu Fati është një shembull tjetër që trajneri holandez i beson një të riu, edhe pse shumë e dinin talentin e adoleshentit pasi kishte shpërthyer një sezon më parë.

Koeman, megjithatë, i ka dhënë Ansu Fati vazhdimësi, pasi ai ka parë fantazinë dhe në thelb i ka dhënë edhe vendin e titullarit në krahun e majtë të sulmit.

Duke qenë besnik ndaj stilit holandez , i adaptuar nga Johan Cruyff, Koeman nuk e sheh moshën si asgjë tjetër përveç se një numër .

Ka shumë individë që kanë përfituar nga kjo qasje e trajnerit, ku në mesin e tyre janë edhe një numër i profilit më të lartë që Koeman e kanë falënderuar për përparimin e tyre në karrierë.


Zlatan Ibrahimovic dhe Ajax

Koeman kishte punuar në Ajax për katër sezone, ndërsa në atë kohë klubi nënshkroi me një sulmues të gjatë nga Malmo nga i cili pritej shumë.

Ky sulmues ishte Zlatan Ibrahimovic dhe që nga dita e parë që trajneri holandez i dha atij një fanellë për ekipin e parë, ai rezultoi një mrekulli dhe makinë golash për klubin nga Amsterdami.

Katër vjet më vonë ai u shit në Juventus për një shumë prej 16 milionë eurosh , e cila në atë kohë ishte shumë e madhe.

Gjatë asaj kohe, Koeman gjithashtu mori nga akademia e të rinjve në Ajax emra si Wesley Sneijder dhe Rafael van der Vaart.


Juan Mata dhe Ever Banega në Valencia

Epoka e Koeman me Valencian ishte e komplikuar. Pavarësisht që e fitoi “Copa del Rey”, kishte shumë probleme gjatë muajve të tij në “Mestalla”.

Sidoqoftë, gjatë asaj periudhe ai ishte në gjendje t’i jepte besim një mesfushori si Juan Mata, me 19-vjet.

Në janar të vitit 2008, Koeman nënshkroi gjithashtu me Ever Banegan, ku edhe ai ishte vetëm 19 vjeç.

Mane dhe Van Dijk, investime të shkëlqyera

Ka një shaka që bëhet, ku thuhet se Liverpooli nuk ka nevojë për departament skautësh pasi Southampton e kryen këtë punë për ta.

Liverpooli i blinte shpesh lojtarët e tyre, ndërsa Koeman detyrohej të futej në tregun e transferimeve për të plotësuar skuadrën e tij.

Nënshkrimi i Sadio Mane për 24 milionë euro nga RB Salzburg ishte thelbësor, ndërsa Virgil van Dijk erdhi nga Celtic për 16 milionë euro.

Të dyve iu dha rëndësia e menjëhershme nga Koeman, duke fituar vend në formacionin startues, ndërsa më pas nënshkruan për Liverpool për një shifër të kombinuar prej 125 milionë eurosh.


Ndryshimi i gjeneratave te Holanda

Largimi i Louis van Gaal pas Kupës së Botës 2014 la një boshllëk të madh brenda ekipit kombëtar holandez, ndërsa pas tyre erdhën edhe mungesat në Euro 2016 dhe Kupën e Botës 2018 .

Koeman u zgjodh për të marrë përsipër ekipin pas katastrofës.

Ai i dha besim Frenkie de Jong dhe Matthijs de Ligt, të cilët të dy spikatën me Ajaxin dhe të dy u bënë startues të rregullt gjatë epokës së tij.


E ardhmja e Barcelonës

Sfida e tij aktuale është në Camp Nou, një stadium ku ai shkëlqeu si lojtar. Ai që në start u ka dhënë rëndësi të madhe tre lojtarëve shumë të rinj, njëri prej të cilëve erdhi nga Ajax, Sergino Dest.

Mbrojtësi i djathtë, së bashku me Pedrin dhe Ansu Fati, po u jepen shumë minuta këtë sezon.

Plus, Francisco Trincao ka talent dhe ka treguar diçka deri më tani, ndërsa Koeman gjithashtu pritet të kthejë në binar edhe karrierën e Ousmane Dembele te Blaugranat.


/Telegrafi/