Njerëzit toksik nuk e përfillin fare logjikën. Disa prej tyre nuk janë të vetëdijshëm për ndikim negativ që e kanë tek ata përreth tyre, e disa tjerë ndjejnë kënaqësi duke shkaktuar kaos dhe duke i nevrikosur tjerët.

Sado e rëndësishme që është të mësoheni se si të ballafaqoheni me lloje të ndryshme të njerëzve, asnjëherë nuk ia vlen që ta shpenzoni kohën dhe energjinë të merreni me njerëzit toksikë, transmeton Telegrafi.

Njerëzit toksikë shkaktojnë komplikime të panevojshme dhe, mbi të gjitha, stres.

Prandaj është e rëndësishme që t’i identifikoni këta njerëz dhe t’i shmangni.

Më poshtë ju sjellim disa lloje të njerëzve të cilët konsiderohen si toksikë dhe që është mirë t’i shmangni.

Njerëzit që merren me thashetheme

Thashethemexhinjtë ndjejnë kënaqësi nga fatkeqësitë e tjerëve. Megjithëse në fillim mund t’ju duket interesante të merreni me punët personale apo profesionale të dikujt tjetër, me kohën kjo gjë bëhet e lodhshme, i lëndon njerëzit tjerë, etj.

Më mirë është të merreni me gjërat pozitive dhe të mësoni nga njerëzit interesantë sesa ta shpenzoni kohën kot duke biseduar për fatkeqësitë e tjerëve.

Personat temperamentë

Disa njerëz nuk kanë aspak kontroll mbi emocionet e tyre. Ata mund të zemërohen dhe t’i shfryjnë ndjenjat te ju dhe gjithmonë duke besuar se ju jeni ata që po i shkaktoni problemet.

Personat temperamentë janë të vështirë për t’i larguar nga jeta sepse mungesa e kontrollit të emocioneve na bën të ndihemi keq për ta.

Personat që viktimizohen

Këta persona pak si vështirë identifikohen sepse në fillim keni tendenca të bashkëndjeni me problemet që i kanë. Por, me kalimin e kohës, ju filloni ta kuptoni se tërë kohën flisni për problemet e tyre.

Personat që viktimizohen nuk i shohin kohërat e vështira si mundësi për t’u zhvilluar dhe për të mësuar.

Ata që ju gjykojnë

Këta persona shumë shpejt ju tregojnë se çfarë saktësisht është mirë e çfarë ju.

Ata e gjejnë një mënyrë se si t’ju bëjnë të ndiheni keq ta bëni gjënë që ju pëlqen më së shumti.  /Telegrafi/