David Neres pritet të jetë ylli i ardhshëm që do të largohet nga Ajaxi.

E ardhmja e sulmuesit brazilian duket se është mes Ligës Premier dhe Serie A, pasi ofertat për të nuk mungojnë.

Ylli brazilian ka pasur disa probleme me lëndime këtë edicion, teksa nuk luan me Ajaxin që nga nëntori i vitit të kaluar.

23-vjeçari pritet të rikthehet në fushë në gjysmë të muajit prill, ku shihet si faza më e rëndësishme e klubit në garë për titullin e kampionit.

David Neres. (Photo by Dean Mouhtaropoulos/Getty Images)

Megjithatë Neres në 20 ndeshjet e para të zhvilluara ka shënuar gjashtë gola e ka bërë dy asistime.

Lojtari po ndiqet nga Chelsea, Liverpool, Manchester United, Arsenal dhe Tottenham Hotspur në Ligën Premier.

Ndërkohë për brazilianin interesim ka shprehur edhe skuadra italiane Roma, që e sheh Neresin si zëvendësuesin adekuat të turkut Cengiz Under që pritet të largohet.

Ajaxi në anën tjetër ka shprehur gatishmërinë ta lë të lirë Neresin, nëse vije një ofertë mbi 45 milionë euro. /Telegrafi/