Problemet e Zlatan Ibrahimovic me lëndime janë duke vazhduar, ndërsa 40-vjeçari është detyruar të mungojë edhe dhjetë ditë të tjera si pasojë e lëndimit të gjurit.

Sulmuesi veteran tashmë ka munguar në 16 ndeshje këtë edicion në të gjitha garat si pasojë e shqetësimeve fizike, të cilat janë duke vazhduar.

Ibra ishte në mesin e katër lojtarëve të Rossonerëve që nuk udhëtuan në Toriono për barazimin pa gola në ndeshjen e të dielës.

(Foto: Instagram/iamzlatanibrahimovic)

Siç raporton Sky Sports Italia, ai nuk do të mund të luajë në dhjetë ditët në viti për shkak të mbingarkesës së gjurit, pasi ka nevojë për trajtim.

Ibrahimovic i gatshëm të pensionohet nga futbolli, por vetëm me një kusht Ibrahimovic i gatshëm të pensionohet nga futbolli, por vetëm me një kusht

Në këtë mënyrë, Zlatan nuk do të luajë në sfidat e Serie A kundër Genoas dhe Lazios, si edhe në gjysmëfinale të Kupës së Italisë kundër rivalit të qytetit, Inter.

Ibrahimovic ka luajtur vetëm 937 minuta këtë sezon në Serie A (të shpërndara në 19 ndeshje) duke shënuar tetë gola dhe duke dhuruar dy asistime, teksa ka vazhduar të jetë lider në zhveshtore. /Telegrafi/