Musaka me patate

Nevojiten (për 4 persona):

* 500 g patate të bardha
* 800 g lakër
* 400 g mish të bluar të kaurdisur
* 100 g perime të përziera të ngrira
* 2 vezë
* 20 g djathë parmezan të renduar
* 2 fletë dafinë
* 50 g gjalpë
* 2 lugëza kim
* kripë, piper

Përgatitja:

Lakra pritet në shirita. Perimet e shkrira qiten në një tenxhere me 30 g gjalpë dhe me fletët e dafinës. Shtohen lakra, mishi, kripa, piperi dhe kimi. Mbulohen me kapak dhe ziejnë në temperaturë mesatare rreth 20 minuta. Nxirret dafina.

Patatet e qëruara priten në rrathë të trashësisë rreth 2 mm. Me pjesën tjetër të gjalpit lyhet kallëp i me rreth lëvizës (20 cm), shtrohet letra për pjekje. Fundi dhe skajet e kallëpit mbulohen me patate. Mbi këtë shtresë qitet masa e gatshme e parapërgatitur, hidhet kripë e piper.

Mbi musaka qiten vezët e tundura me djathë të renduar, me piper dhe kripë. Kallëpin e lëvizim, në mënyrë që lëngu të depërtojë ndërmjet shtresave. Renditet pjesa tjetër e patateve, kallëpi mbulohet me foli dhe futet në furrë të nxehur në 180 shkallë C, për rreth 50 minuta. Pastaj hiqet folia dhe përsëri kallëpi futet në furrë edhe për 10 minuta në 220 shkallë C. Pasi të piqet, kallëpit i hiqet rrethi, del musakaja në formë torte.