Lionel Messi është përshëndetur përfundimisht me bashkëlojtarët e tij dhe stafin e Barcelonës, pas konferencës për shtyp të mbajtur në Camp Nou.

Messi ka mbajtur konferencën për shtyp nga ora 12:00 në ambientet e stadiumit Camp Nou, ku emocionet ishin të mëdha pas lajmit për largimin e tij të enjten.

Ylli argjentinas ka sqaruar gjithçka për vendimin e tij për t’u larguar nga Barcelona pas gati 20 viteve karrierë profesionale.

Fjalët e para të Messit: Isha i bindur të qëndroja në shtëpinë time, por sot më duhet të them lamtumirë Fjalët e para të Messit: Isha i bindur të qëndroja në shtëpinë time, por sot më duhet të them lamtumirë

Ai mes lotësh mezi dha lamtumirën e tij, teksa tha se shpreson që të kthehet një ditë dhe ta ndihmoj klubin “me të mirë në botë”.

E gjithë konferenca e Messit u përshkua me emocione të mëdha, nga lotët deri tek duartrokitet, pyetjet për momentin më të mirë e deri tek e ardhmja.

Megjithatë, edhe pjesa e fundit ishte e veçantë për yllin argjentinas.

“Duartrokitjet më të mëdha të të gjitha kohërave”, Barcelona poston video të veçantë nga lamtumira e Messit “Duartrokitjet më të mëdha të të gjitha kohërave”, Barcelona poston video të veçantë nga lamtumira e Messit

34-vjeçari u përshëndet përfundimisht me bashkëlojtarët e tij dhe stafin e Barcelonës, ku me shumicën nga ta kaloi shumë vite bashkë së bashku.

Në fund, Messi e bëri një fotografi me të gjithë, së bashku me trofetë e fituara nga ditët e tij të para te Barcelona. /Telegrafi/