LAJMI I FUNDIT:

Ministri Çeku: Viti 2021 ishte mjaft sfidues, 2022-ta qoftë vit i sukseseve të vazhdueshme të të rinjve në art dhe sport

Foto: Ridvan Slivova, Foto-Kolazh: Ardian Keka/Telegrafi

Ministri i Kulturës, Rinisë dhe Sportit, Hajrulla Çeku, e përmbylli një vit të suksesshëm në cilësinë e të parit të MKRS-së.

Ai e mori këtë detyrë me ardhjen në pushtet të Qeverisë Kurti II, gjersa arriti që për një kohë mjaft të shkurtër të stabilizojë përvojën e tij të parë në pushtetin ekzekutiv.

Në një intervistë për Telegrafin, Çeku foli në tërësi mbi vitin 2021, duke e quajtur një vit mjaft sfidues po aq sa edhe të suksesshëm.

“Besoj që ka qenë një vit sa sfidues me problemet me të cilat jemi përballur, po aq edhe përmbushës në disa aspekte, kryesisht në raport me nevojat dhe trajtimin e çështjeve që lidhen me komunitetet që i përfaqëson ministria, nga artistet dhe komuniteti kulturore, te sportistet, rinia, trashëgimia e kështu me radhë, besoj që punët e këtij viti në një far forme na kanë shërbyer edhe për të detektuar saktë sistemin edhe për të i kuptuar mirë problemet me të cilat përballemi me këto çështje”, tha Hajrullah Çeku për Telegrafin.

Hajrulla Çeku (Foto: Ridvan Slivova/Telegrafi)

Në vazhdimësinë e bisedës, minsitri gjithashtu bëri të ditur se cilat janë pikësynimet që Ministria e Kulturës, Rinisë dhe Sportit, ia ka vendosur vetes për qëllim realizimi në vitin 2022.

“Do ta kemi një ligj unik për kulturën, ligjet ekzistuese besoj që duhet t’i anulojmë të gjitha që ta kemi një ligj ma gjithëpërfshirës dhe që i mundëson një lloj dinamike dhe zhvillimi ndryshe sektorit kulturor në Kosovë dhe në të njëjtën kohë do ta hartojmë strategjinë kombëtare për zhvillimin e kulturës. Dy janë synimet kryesore: janë institucionet publike të kulturës, të cilat kanë nevojë për një autonomi financiare dhe programore dhe është skena e pavarur [artistet e pavarur, organizatat kulturore] me të cilët duhet hyrë në një raport më strategjik edhe si formë e financimit, por edhe si formë e krijimtarisë artistike dhe prezantimit ndërkombëtar të produktit tonë artistik jashtë”, theksoi Çeku.

Hajrulla Çeku gjatë intervistës për Telegrafin (Foto: Ridvan Slivova/Telegrafi)

Çmimet “Grammy” dhe Brits të Dua Lipës, e suksesi ndërkombëtar i filmit “Zgjoi” janë vetëm disa prej të arriturave më të mëdha në kulturë gjatë vitit 2021.

Këto suksese duket se e kanë motivuar edhe më tepër Ministrinë e Kulturës, referuar edhe pozitës të cilën e mban tash e gati një vit.

“Ka qenë një vit fantastik në kuptimin e vitit artistik dhe në prezantimin e Kosovës, në kuptimin e një diplomacie publike dhe kulturore. Ne kishim në takim të gjithë ekipin e filmit ‘Zgjoi’ pas suksesit të tyre të fundit, hyrjen në listën e ngushtë të nominimeve për ‘Oscar’. Do të punojmë shumë edhe gjatë janarit me ta, me të gjitha mundësitë tona edhe financiare, edhe diplomatike, edhe artistike, për ta mbërritur atë nominimin e madh – pesëshen e fundit dhe me shpresën që ta kemi çmimin e parë ‘Oscar’ vitin e ardhshëm”, shtoi Ministri Çeku.

Hajrulla Çeku (Foto: Ridvan Slivova/Telegrafi)

Natyrisht që sukseset nuk ishin të munguar edhe në sport, për të cilin ai thotë se janë vazhdimësi e sukseseve të mëparshme, të cilat nuk kanë qenë fare rastësi.

“Ajo që u arrit në Tokio sivjet me dy medalje të arta në xhudo, është konfirmimi më i mirë që Rio nuk ka qenë rastësi, as nuk ka qenë një ndodhi që mund të ndodhë një herë dhe të mos përsëritet më – kjo tregon që xhudistët tanë, tajneri Driton Kuka, Federata e Xhudos kanë bërë një punë afatgjatë, sistematike, ashtu çfarë duhet ta kemi edhe shtetin dhe tash ata i marrin rezultatet dhe sukseset, dhe do të vazhdojnë edhe më tutje”, tha Hajrulla Çeku.

Hajrulla Çeku (Foto: Ridvan Slivova/Telegrafi)

Për fund, Ministri i Kulturës, Rinisë dhe Sportit pati një urim special për të gjithë shqiptarët për Vitin e Ri 2022, duke uruar një vit të ri pa sfida pandemike.

“Urimi im i parë kryesor më i rëndësishëm është që të gjithë qytetarët e Kosovës të kenë shëndet të plotë gjatë vitit të ardhshëm, viti 2022 qoftë vit i sukseseve të vazhdueshme të të rinjve tanë në sport e në art sidomos, por në të njëjtën kohë shpresoj që të mos kemi më ndonjë efekt të rëndë të pandemisë çfarë patëm gjate dy viteve të fundit dhe në situatën e re që na krijohet të kthimit në atë far normaliteti të përgjithshëm, t’i rikuperojmë edhe këto statistikat të tjera zhvillimore të shtetit tonë”, përfundoi Ministri Çeku. /Telegrafi/

Në trend Magazina

Më shumë
Zbulohet arsyeja pse Kate Middleton e dha e vetme mesazhin për sëmundjen e kancerit, pa prezencën e Princit William

Zbulohet arsyeja pse Kate Middleton e dha e vetme mesazhin për sëmundjen e kancerit, pa prezencën e Princit William

Magazina
Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Magazina
Modelja ndan përvojën e tmerrshme në Maldive, tregon se çfarë u ndodhi gjatë pushimeve të shtrenjta

Modelja ndan përvojën e tmerrshme në Maldive, tregon se çfarë u ndodhi gjatë pushimeve të shtrenjta

Magazina
Revista 'People' i kushton artikull prindërve të Rita Orës: Si vajza që këndonte në lokalin e babait të saj, u bë një yll botëror

Revista 'People' i kushton artikull prindërve të Rita Orës: Si vajza që këndonte në lokalin e babait të saj, u bë një yll botëror

Magazina
Sin Boy sulmohet brutalisht në një sallon bukurie, teksa po hynte 'live' në TikTok?

Sin Boy sulmohet brutalisht në një sallon bukurie, teksa po hynte 'live' në TikTok?

Magazina
Monika Salihu mes dy melodive: asaj të jetës dhe karrierës -

Monika Salihu mes dy melodive: asaj të jetës dhe karrierës - "Çika e boksierit" flet për muzikën, personalen dhe përkushtimin ndaj fesë

Butrint Avdyli
Kalo në kategori