Matteo Pessina është duke shkëlqyer këtë edicion me Atalantën në Serie A.

Mesfushori italian është bashkuar me zikaltërtit katër vite më parë për një shumë prej 1,6 milionë euro nga Milani.

Pasi ka kaluar si i huazuar te Spezia e Verona, Pessina këtë edicion ka zënë vend në formacionin bazë të Atalantës ku po luan me mjaft sukses.

23-vjeçari po kërkohet nga Milani, me Rossonerët që duan ta rikthejnë në San Siro pasi pëlqehet shumë nga trajneri Pioli.

Sipas asaj që kanë raportuar mediat italiane, Atalanta tanimë i ka caktuar çmimin e largimit mesfushorit italian.

Bergamaskët janë të gatshëm ta lejojnë yllin e tyre të largohet nëse vije një ofertë rreth 25 milionë euro.

Reprezentuesi italian këtë edicion ka zhvilluar 32 takime ku ka shënuar tre gola dhe ka bërë dy asistime. /Telegrafi/