Milani ia vendos Paquetas çmimin e largimit

Gjigantët italianë të Serie A, Milani ka vendosur një çmim prej 35 milionë eurosh për mesfushorin brazilian, Lucas Paqueta.

22-vjeçari është shumë i vlerësuar në komunitetin e futbollit, por ka qenë duke luftuar për tu përshtatur me jetën në Serie A qysh kur u transferua në janar nga klubi brazilian Flamengo për një tarifë transferimi të raportuar prej 38 milionë.

Ka pasur raporte të interesit për Paqueta nga gjigandët francezë të Ligue 1, Paris Saint-Germain, ku drejtori sportiv Leonardo është një tifoz i madh i lojtarit dhe mezi pret që ta sjellë atë në klub në të ardhmen e afërt.

Lexo po ashtu Milani do të shesë në janar, pesë yje rrezikojnë largimin

Sa i përket raportit të fundit, hierarkia e Milanit ka njoftuar homologët e tyre në Paris se braziliani ndërkombëtar do të largohet nga klubi vetëm për ofertën e duhur.

Sipas mediumit italian Calciomercato, Rossonerët e kanë bërë të qartë se Paqueta largohet vetëm nga një ofertë prej 35 milionë eurosh dhe nuk do të ketë zbritje.

Paqueta ka përfaqësuar klubin kuqezi në 30 ndeshje në të gjitha garat ku ai ka arritur të shënojë vetëm një gol dhe tri asistime. /Telegrafi/