0Shares

Lionel Messi dhe Cristiano Ronaldo janë yjet e padiskutueshme që e dominojnë botën e futbollit.

Ylli i Barcelonës dhe ai i Real Madridit janë rivalët më të mëdhenj në futbollin botëror.

Ata janë pa dyshim më të mirët në botë në sportin e tyre, por nëse rivaliteti i tyre do të bartej në një rrahje, shumë fansa do të ishin kuriozë të dinin se kush do të triumfonte.

Sipas boksierit më të mirë në botë, Anthony Joshua, fitues në një duel të mundshëm mes tyre do të ishte pa dyshim Cristiano Ronaldo, por thotë se do ta kishte vështirë ndaj Messit.

“Mendoj se Messi është i fortë dhe i përkushtuar. Por, Ronaldo duket sikurse një “Bruce Lee”. Është ajo “bang”. Vetëm qëndron aty dhe të zotëron në një qoshe dhe je i përfunduar. Messi është pak më shumë, ashtu siç e tregon emri i tij, “messy – problematik’”, potencoi Joshua.

Pra, sipas Joshuas, Ronaldo do ta dominonte shumë Messin nëse do të vinte në një luftë mes tyre.

Vet Joshua do t’i rikthehet ringut më 28 tetor në Cardiff ndaj bullgarit, Kobrat Pulev. /Telegrafi/

Të Ngjajshme
Shfaq Komentet (0)