Raffaele Piccolo, një 54 vjeçar i cili e kishte përndjekur dhe terrorizuar për vite të tëra Fabio Quagliarellan, është dënuar me katër vjet e gjysmë burg.
Ai ishte shfaqur si polic në periudhën 2006-2010 dhe thoshte se është duke i ndihmuar futbollistit dhe zyrtarëve të tjerë në qytet që ta shpëtonin nga përndjekësi i tij.
Asokohe Quagliarella pranonte letra anonime ku akuzohej se ishte pjesë e nëntokës kriminale, ashtu që e bëri qëndrimin e tij te njëvjeçar te Napoli (ku fillimisht kishte nënshkruar kontratë pesëvjeçare) një tmerr të vërtetë. Më vonë u mësua se ishte pikërisht Piccolo, një ish-inspektor poste, ai që i dërgonte letrat.
54-vjeçari ishte maskuar si polic në mënyrë që të integrohej dhe të qëndronte pranë viktimave të tij, duke përfshirë edhe Quagliarellan. Kishte qenë babai i lojtarit, ai që kishte zbuluar se rrënja e problemit ishte Piccolo. Kështu, policët e arrestuan atë në qytetin e lindjes së futbollistit, Castellammare di Stabia, në afërsi të shtëpisë së tij.
Tash, katër vite më vonë, më në fund, 54-vjeçari është dënuar me burg prej katër vjet e gjysmë. Një tjetër viktimë që është terrorizuar nga ai ka qenë edhe një pronar i një klubi të njohur nate në Napoli.
Tortura pesëvjeçare
Para dy vitesh, Quagliarella ka folur për vitin e tmerrshëm që e kaloi në Napoli duke thënë me emocione: “Gjithmonë e kam imagjinuar veten si kapiten të Napolit duke fituar diçka me atë klub, sepse po bëhej një skuadër aq e mirë sa është tash – një skuadër e shkëlqyer. Po të mos kishin ndodhur këto, jam i sigurt se akoma do të isha duke luajtur atje”.
Ai ka rrëfyer edhe mënyrën se si kishte filluar gjithçka, pasi i besonte Piccolos për shkak të rolit të tij si polic, ndërsa e kishte bërë të vuajë për pesë vite.
“Nuk e di se çfarë kishte në mendjen e tij, sepse ishte një polic dhe për shkak të kësaj në fillim e konsideroja si dikush që mund t’i besoja. E nisa me një problem që kisha me një fjalëkalim dhe ai e rregulloi”.
“Pastaj fillova të merrja letra anonime me fotografi të femrave të zhveshura, ku akuzohesha për pedofili, se punoja me Camorran (mafinë), se shisja drogë, se i montoja ndeshjet”.
“Babai im merrte mesazhe kërcënuese. Aty i thuhej se dikush do të më vriste me plumb në kokë ose do të më vinin bombë në shtëpi”, ka rrëfyer Quagliarella, të cilit i kishte shkuar në shtëpi edhe një arkivol me fotografinë e tij mbi të.
Ndërsa për të gjitha këto, futbollisti dhe familja e tij i kërkoni ndihmë pikërisht Piccolos – duke mos e ditur se ai qëndronte pas gjithë kësaj. Fabio ka rrëfyer se kërcënimet kishin filluar të bëheshin të frikshme, ashtu që ai dhe familja e tij ishin në panik të vazhdueshëm.
“Nuk mund ta imagjinonin tensionin edhe kur ishim në shtëpi. Përndjekësi, duke qenë një polic, ishte rregullisht në shtëpinë time dhe po e udhëhiqte gjithë situatën… Na thoshte se ishin afër për ta kapur”.
“S’mund t’i tregoja askujt, madje as vëllezërve të mi. Pastaj, miku im më i mirë u thirr nga autoritetet për lidhjet e montuara me Camorran. Në fund, babai im e kuptoi të gjithën. Ai mësoi se autoritetet asnjëherë nuk e kishin pranuar ankesën time formale, sepse përndjekësi po e mbante për vete”, ka treguar 36-vjeçari.
Quagliarella u detyrua të largohej nga Napoli pas vetëm një sezoni, edhe pse kishte nënshkruar kontratë pesëvjeçare. Iu bashkua Juventusit, ku qëndroi për katër vite dhe e fitoi tri herë titullin e kampionit në Itali. Aktualisht, ai luan te Sampdoria. /Telegrafi/
Lufta Prigozhin - Putin
Më shumëNga Rubrika
Heidi dhe Romeo duken më të dashuruar se kurrë, dyshja nuk i ndalin puthjet në xhakuzi
Becky G dhe Anitta mahnitin me dukjet e tyre në tapetin e kuq në “Latin American Music Awards 2024”
Nuk hoqi dorë kurrë nga ëndrra, avokatja 60-vjeçare shpallet “Miss Universe Buenos Aires”
U hodh në gjyq, Olsi Bylyku "godet" Top Channel: Ikonat si Arbana, Alban Dudushi iu larguan - gjersa kolegët në TV Klan kanë ndërtuar perandori
Një takim mes Massimilianos dhe Heidit në Big Brother VIP Albania 3? Veprimi i ish-partnerit të saj në Grande Fratello ngre dyshimet
Dua Lipa duket e lumtur në krahët e të dashurit të saj, ndërsa fotografohen bashkë në një darkë në New York City
Romeo dhe Heidi shijojnë bashkë çaste intime në suitën private, në Big Brother VIP Albania
Ish-presidentja kroate Kolinda Grabar-Kitarovic merr vëmendjen me çantën 3000 euroshe të "Louis Vuitton" në një event
Betejë me Top Channel, Olsi Bylyku thirret përpara Gjykatës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre