Melania dhe Donald Trump flenë në dhoma të ndara

Numri më i ri i revistës “US Weekly” shkruan se si presidenti amerikan dhe bashkëshortja e tij vetëm në udhëtimet zyrtare flenë në të njëjtën dhomë, por edhe atëherë kanë shtretër të ndarë.

Derisa janë të rrethuar me fotoreporterin ushtarak dhe kamera, Donald Trump dhe Melani Trump buzëqeshin dhe mbahen për dore duke u përpjekur të tregojnë pamjen e një çifti të lumtur, pas dyerve të mbyllura marrëdhëniet e tyre janë larg të qenit të lumtur.

US Weekly nga burime të afërta të Trump merr vesh se si çifti ka probleme që një kohë të gjatë, pasi Melania refuzon të ndajë shtratin bashkëshortor me Donaldin.

“Melania dhe Donald kanë dhoma të ndara të fjetjes. Vetëm në raste të rralla kur janë në udhëtim zyrtar flenë në të njëjtën dhomë, por edhe atëherë nuk ndajnë shtratin, por secili fle në shtratin e vet si çiftet mbretërore. Ata asnjëherë nuk kanë kaluar natën së bashku”, pohon burimi, transmeton KosovaPress.

Thuhet se Melania nuk ka dëshiruar rolin e Zonjës së Parë dhe ia sheh për të madhe bashkëshortit të saj që e ka adaptuar në një jetë të tillë, të cilën ajo e përçmon.

“Melania dëshiron që sa më pak të paraqitet në publik dhe për këtë bën minimumin e obligimeve të saja si Zonja e Parë dhe dëshiron të ketë sa më pak lidhje me Donaldin”, ka thënë një burim i afërt me familjen Trump.