Mbrëmë (e diel) është mbajtur mbrëmja e madhe e ndarjes së çmimeve vjetore të muzikës, MTV Video Music Awards 2022.

Reklama

Mes yjeve të shumtë pjesëmarrës, të pranishme në këtë ceremoni ishin edhe këngëtaret shqiptare me famë botërore: Bebe Rexha dhe Ava Max.

Por në tapetin e kuq u vërejt dukshëm mungesa e artistes tjetër me njohje globale, Dua Lipa, e cila gjithashtu ishte e nominuar në katër kategori sivjet në MTV VMA.

Dua Lipa në MTV EMA 2019 (Foto: Getty Images)

Por pavarësisht se ishte e nominuar pesë herë, Dua Lipa nuk arriti të marrë me vete në shtëpi asnjë çmim – e madje as nuk ishte e pranishme në ceremoninë e mbajtur sivjet në New Yersey.

Bebe Rexha mahnit me dukjen elegante në MTV Video Music Awards 2022 Bebe Rexha mahnit me dukjen elegante në MTV Video Music Awards 2022
Reklama

Dua u mund në kategorinë “Bashkëpunimi më i mirë”, të cilin e fituan Lil Nas X dhe Jack Harlow me këngën e tyre “Industry Baby”. Ajo ishte nominuar në këtë kategori për bashkëpunimin e saj me Elton Johnin, “Cold Heart” dhe atë me Megan Thee Stallion, “Sweetest Pie”.

Reklama

Pa çmim shqiptarja mbeti edhe në kategorinë tjetër, “Kënga më e mirë e vitit” ku ishte nominuar po prapë për këngën e saj në bashkëpunim me Eltonin. Këtë çmim e fitoi Billie Eilish me “Happier Than Ever”.

Edhe Ava Max mori pjesë në MTV Video Music Awards 2022 - shqiptarja i la pak vend imagjinatës me veshjen ekstravagante Edhe Ava Max mori pjesë në MTV Video Music Awards 2022 - shqiptarja i la pak vend imagjinatës me veshjen ekstravagante

E njëjta gjithashtu nuk arriti të fitojë as çmimet “Regjia më e mirë e artit” dhe “Efektet vizuale më të mira” – në të dyja këto kategori ajo ishte nominuar për këngën “Sweetest Pie” në bashkëpunim me Megan The Stallion, dhe të dyja këto trofe i fituan Lil Nas X dhe Jack Harlow për bashkëpunimin e tyre “Industry Baby”.

Reklama

Lil Nax, fitues i disa çmimeve në MTV VMA 2022 (Foto: AP)

Aktualisht, shqiptaret e vetme që kanë fituar çmime MTV VMA mbeten Rita Ora në vitin 2018, për bashkëpunimin me Aviciin, “Lonely Together”, dhe Bebe Rexha në vitin 2019, për bashkëpunimin me The Chainsmokers, “Call You Mine”.

Reklama

Të dyja artistes kanë qenë fituese të çmimit “Best Dance (Kënga më e mirë ritmike)”. /Telegrafi/

Rita Ora me çmimin MTV VMA në vitin 2018 (Foto: Paul Zimmerman/Getty Images/Guliver)

Bebe Rexha me çmimin MTV VMA në vitin 2019 (Foto: Just Jared)