Wanda Nara ka konfirmuar të gjitha që Mauro Icardi do të mbetet një lojtar i Interit pasi raportohet se ai do të stërvitet me ekipin e parë këtë mbrëmje.

Spekulimet që lidhin Icardin me një largim janë ftohur ditëve të fundit.

Edhe gruaja e tij, Wanda bëri një postim në Twitter së bashku me gratë e futbollistëve tjerë të Interit në festën e 22-të të ditëlindjes së Lautaro Martinez mbrëmë.

Gazetarët e pyesin nëse do të ketë një aventurë të re, Icardi përgjigjet "po" me ironi Gazetarët e pyesin nëse do të ketë një aventurë të re, Icardi përgjigjet "po" me ironi

“Një tjetër vit së bashku”, shkruan në postimin e gruas agjente të Icardit në Twitter.

Ndërkohë, mediumet si Sport Mediaset dhe Sky Sport Italia kanë raportuar që sulmuesi argjentinas është thirrur të stërvitet sot në mbrëmje në San Siro.

26-vjeçari ishte konsideruar person i padëshiruar për pjesën më të madhe të verës, duke u stërvitur vetëm ndërsa skuadra garonte jashtë vendit në turnetë para-sezonal.

Sidoqoftë, ai ka hedhur disa sugjerime në mediat sociale se dëshiron të vërtetojë vlerën e tij te Antonio Conten, ndërsa së fundmi ka marr edhe një shtëpi të re në Milano. /Telegrafi/