LAJMI I FUNDIT:

Me mbi 105 milionë euro pasuri – Dua Lipa është në listën e të famshmëve më të pasur në Mbretërinë e Bashkuar të moshës nën 40 vjeç

Me mbi 105 milionë euro pasuri – Dua Lipa është në listën e të famshmëve më të pasur në Mbretërinë e Bashkuar të moshës nën 40 vjeç

Harry Styles dhe Dua Lipa janë në mesin e një numri të famshmish që shfaqen në edicionin e parë të listës së të pasurve “40 Under 40” të “The Sunday Times”.

Në moshën 33 vjeçare dhe në vendin e 10-të në listën e 40 individëve nën 40 vjeç, është këngëtari i këngës “Shape Of You”, Ed Sheeran, i cili është shpallur muzikanti më i pasur i ri në Mbretërinë e Bashkuar me 340 milionë funte (396.8 milionë euro).

Ylli pop më i pasur britanik nën moshën 40 vjeç është edhe ish-anëtari i One Direction, Styles, 30 vjeç, i cili ka grumbulluar 175 milionë funte (204 milionë euro) përmes muzikës dhe paraqitjeve në filma, shkruan DailyMail.

Fituesi i çmimit ‘Brit Award’, i cili shfaqet në filmin “Dunkirk” të Christopher Nolan, gjithashtu ka investuar në vendin e muzikës në Manchester, Co-Op Live, që u hap më 14 maj pas disa pengesave.

Në vendin e 17-të në listë është këngëtarja me 16 çmime “Grammy”, Adele, me 170 milionë funte (198 milionë euro) pasuri.

Në vendin e 19-të është aktori Daniel Radcliffe dhe këngëtarja e muzikës pop, Dua Lipa, 28 vjeçe, me nga 90 milionë funte (105 milionë euro) secili.

Lipa, e cila do të kryesojë skenën në Festivalin “Glastonbury” në qershor, së fundmi ka lansuar albumin e saj të tretë “Radical Optimism” që u ngjit në vendin e parë në listën zyrtare të albumeve në Mbretërinë e Bashkuar.

Radcliffe, 34 vjeç, bëri milionat e tij kur u bë i famshëm yll si fëmijë duke luajtur personazhin kryesor në serinë e filmave Harry Potter, të adaptuara nga romane të shkruara nga JK Rowling.

Gazeta thekson edhe listën e saj vjetore të pasurisë, e cila është përfshirë në një edicion special prej 76 faqesh të revistës së saj të dielave, duke zbuluar pasurinë e 350 individëve dhe familjeve më të pasura në Mbretërinë e Bashkuar.

Në krye të listës, që tregon talentin britanik nga muzika, sporti, argëtimi dhe biznesi, është Hugh Grosvenor, Duka i shtatë i Westminster, me 10.1 miliardë funte (11.7 miliardë euro).

Duka, që është kumbar i Princit George, trashëgoi titullin e tij dhe portofolin e gjërë të tokës dhe pronës në moshën 25 vjeçare.

Shumica e njerëzve në listën e “40 Under 40” kanë bërë miliona me vetë, por nëntë prej tyre lindën të pasur, sipas “The Sunday Times”.

Nëntë të parët në listë gjithashtu figurojnë në listën kryesore të pasurisë të “The Sunday Times”, ku minimumi i figurës për hyrje është të kesh 350 milionë funte (408.5 milionë euro). /Telegrafi/

Në trend Magazina

Më shumë
Xhuli hipën mbi veturë dhe valvit flamurin kombëtar në mesin e mijëra tifozëve shqiptarë në Dortmund

Xhuli hipën mbi veturë dhe valvit flamurin kombëtar në mesin e mijëra tifozëve shqiptarë në Dortmund

Magazina
Butrint Imeri 'tërhiqet zvarrë' me veturë për klipin e tij të ri

Butrint Imeri 'tërhiqet zvarrë' me veturë për klipin e tij të ri

Magazina
Kate Middleton bën paraqitjen e parë publike që pas zbulimit të diagnozës së kancerit

Kate Middleton bën paraqitjen e parë publike që pas zbulimit të diagnozës së kancerit

Magazina

"Jam goca më me fat në botë" - Heidi Baci ndan fotografi të mrekullueshme krah Romeos

Magazina
“Qaj çdo herë. Personale. Imja” – Mozzik i dedikon këngë Lotinës?

“Qaj çdo herë. Personale. Imja” – Mozzik i dedikon këngë Lotinës?

Magazina
Luiz Ejlli dhe Melinda Ademi sjellin këngën e re “Shqiptare”

Luiz Ejlli dhe Melinda Ademi sjellin këngën e re “Shqiptare”

Magazina
Kalo në kategori