Mbappe poston mesazh të fshehtë me gjashtë fjalë mes frikës për përfshirjen e tij në Euro 2024

Kylian Mbappe ka postuar një mesazh me gjashtë fjalë në rrjetet sociale pasi pësoi një thyerje të hundës gjatë fitores 1-0 të Francës ndaj Austrisë në Euro 2024.

Ylli francez u përplas me shpatullën e mbrojtësit të Austrisë, Kevin Danso, pasi goditi me kokë në zonën e rreptësisë në fazat e fundit të ndeshjes.

Ai mori një trajtim të gjerë në fushë, përpara se të merrej vendimi se do të përfundonte ndeshjen.

Lexo po ashtu Mbappe me kërkesë interesante për fansat, pasi theu hundën

Më vonë u konfirmua se 25-vjeçari, i cili do t’i bashkohet Real Madridit si transferim i lirë më 1 korrik, kishte pësuar një thyerje të hundës nga përplasja.

Mbappe me shaka u kërkoi mbështetësve në Twitter për sugjerime për një maskë, me kapitenin e Francës që u detyrua të mbante një maskë gjatë pjesës së mbetur të pjesëmarrjes së tij në turne.

Ka pasur raporte tjera se ai mund të humbasë ndeshjen e së premtes kundër Holandës, pasi do t’i duhej kohë për t’u përshtatur me maskën në aksione konkurruese.

Lexo po ashtu Theu hundën, raporti i ri zbulon numrin e ndeshjeve që Mbappe do të humbasë për Francën në Euro 2024

Tani, Mbappe ka ndarë një mesazh të shkurtër në Instagram, i cili duket se tregon besimin se ai do të jetë i disponueshëm për të luajtur kundër Holandës.

“Pa rreziqe, nuk ka fitore..”, ka shkruar ai.

Ndryshe, 25-vjeçari do të duhet t’i nënshtrohet një operacioni në hundën e tij të thyer pas turneut.

Lajmi është konfirmuar nga trajneri i Francës, Didier Deschamps. /Telegrafi/